Link açıqlığı

Qırım.Aqiqat. Aqqımızda

Qırımlılarnıñ bilmek aqları bar

Qırım.Aqiqat – Radio Svobodanıñ Qırım leyhası – 2014 senesi mart ayında Rusiye Federatsiyası Qırım yarımadasını zapt etken soñ ve işğal vaqtında çalışmağa başladı.

Yarım yıldan soñ Radio Svobodanıñ Qırım taqımı üç haber saytını meydanğa ketire – rus (Крым.Реалии, http://ru.krymr.com ), ukrain (Крим.Реалії, http://ua.krymr.com ) ve qırımtatar tillerinde (Qırım.Aqiqat, http://ktat.krymr.com ), 24 umummilliy haber kanalında er aftalıq «Qırım.Aqiqat» tele yayınını sını azırlay ve 2015 senesi sentâbr ayında Ukrayinske radio ile birlikte Qırım.Aqiqat Radiosını qura. Radio yayınları orta dalğalarda Qırımnıñ büyük qısmına, Ukraina cenüp-şarqına ve Rusiye Şimaliy Kavkazınıñ dağ ögündeki rayonlarına yayınlana.

Qırım.Aqiqat matbuat serbestligi yasaq etilgen ya da akimiyet tarafından sıñırlanğan, cemiyet ayatınıñ qaidesi olmağan memleket ve regionlar içün demokratiya ve vatandaşlıq cemiyetiniñ degerliklerini tarqatqan Radio Free Europe / Radio Liberty ticariy olmağan haber hızmetiniñ bir parçası ola. Şunıñ içün Qırım.Aqiqat jurnalistleri Qırım cemiyetine Qırımda yerli matbuat vastaları aydınlatmağan malümatnı ögrenmege imkân bereler. Bular – tsenzurasız haberler, isbatlı ve mesüliуetli fikirler, meselelerniñ açıq ve doğru muzakereleri.

Radio Free Europe / Radio Liberty – AQŞ Kongressi tarafından maliye etilgen ticariy olmağan bir haber hızmetidir. Şarqiy ve Cenübiy-Şarqiy Avropa, Kavkaz, Orta Asiya, Yaqın Şarqnıñ 20-den ziyade memleketine radio, internet ve televideniye vastası ile yayınlay ve haber yayınlarını tarqata. 23 milliondan ziyade diñleyici, seyirci ve oquyıcı RFE/RL malümatı ile tanış olmağa, yayınlarını diñlemege ve haberlerini oqumağa alıştı.

XS
SM
MD
LG