Link açıqlığı

Saatnıñ esas haberi

QMC prokurorı deputat Artemenkoğa qarşı cinaiy iş açacaq ola – Cemilev


Mustafa Cemilev
Mustafa Cemilev

Qırım Muhtar Cumhuriyetiniñ prokurorı Günduz Mamedov, Ukraina halq vekili Andriy Artemenkoğa qarşı cinaiy iş açacaq ola. Bunı «Petro Poroşenko blokı» firqasınıñ fraktsiya vekili, qırımtatar halqınıñ lideri Mustafa Cemilev bildirdi.

Millet vekili: «Öz antına hıyanetlik yapıp, bu adam bizim toprağımıznı işğalcilerge kiralaycaq ola. Men bugün Qırım Muhtar Cumhuriyetiniñ prokurorınen qonıştım ve o «Ukrainanıñ territorial bütünligine ücüm» maddesi boyunca oña qarşı cinaiy iş açacaq ola. Ve bu doğrudır», – dedi.

Cemilevniñ fikirine köre, «bu mesele Rusiyeniñ emirinen de çıqarılmaq mümkün edi».

«Bu mesele Rusiyeniñ emirinen de çıqarılmaq mümkün edi. Bu olarnıñ strategiyası – bir de bir ğayeni seslendirip, şu ya da bu siyasiy strukturalarnıñ böyle fikirge nasıl davranğanlarını ögrenmege isteyler. Onıñ içün bu deputatnıñ Rusiyeli tehnologlar ile añlaşması da olmaq mümkün», – dep qayd etti Cemilev.

New York Times gazetinde derc etilgen maqalede yazıla ki, Milliy telükesizlik suallerinde AQŞ prezinetniniñ mesleatçısı Michael Flynn, istifağa ketmezden bir afta ögüne, Donald Trumpqa yaqın olğan şahıslardan Ukrainadaki umumiy vaziyetiniñ tüzetilmesi çerçivesinde Rusiyege qarşı kirsetilgen sanktsiyalarını toqtatmaq tekliflerini aldı.

Neşirde qayd etkenlerine köre, Trumpnıñ advokatı Michael Cohen, SSBC-de doğğan AQŞ prezidentniñ iş ortağı, Rusiyede biznes saasında oña yardım etken Felix Sater ve Ukraina millet vekili Andriy Artemenko bu tekliflerniñ azırlanmasında iştirak ettiler. Neşirniñ malümatına köre, muabbetlik planı – Ğarbiy Ukrainadan bütün Rus ordularınıñ çıqarılması ve Qırımnıñ Rusiyege 50 ya da 100 yılğa kirağa berilecegi aqqında Ukrainada referendumnıñ ötkerilmesi kire edi.

Ukraina Yuqarı Radasında «Radikal fırqanıñ» yolbaşçısı Oleg Lâşko firqa azası Andriy Artemenkodan, Qırımğa dair fikirleri sebebinden, Ukraina halq vekiliniñ mandatını qaldırmağa talap etti.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG