Link açıqlığı

Qırımda Marlen Mustafayevniñ evinde tintüv ötkerilgeni aqqında haber etile. Bunı Facebook saifesinde Qırımdaki faaliyetçi Osman Arifm yazdı.

Advokat Emil Kurbedinov, Marlen Mustafayev ekstremizmge qarşı küreş Merkezine ketirilgenini bildirdi.

Tintüv Aqmescit civarında, Boğurça (Kamenka) qasabasında mtkerilgeni malüm. Silâlı hızmetler soqaqnı qapattılar.

Qırım.Aqiqat adiseniñ tavsilâtnı ögrenmege tırışa.

Ukraina Tışqı işler nazirligi defalarca zapt etilgen Qırımda Ukraina vatandaşlarına qarşı basqı ve taqip areketleri yapılğanınen raatsız olğanını bildire edi, ondan da ğayrı Rusiyeni yerli sakinlerge basqını toqtatqanını ve ukrainalı siyasiy mabuslarını azat etilmege çağıra edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG