Link açıqlığı

Qırımtatar halqınıñ lideri Mustafa Cemilev cenkleşip Qırımnı Ukrainanıñ nezaretine qaytarmaq imkânını körmey. Onıñ fikirine köre, Ukraina vatandaşları ve ğarbiy ortaqlar böyle usulğa qol tutmazlar. Bunı Cemilev «Apostrof» neşirine bergen intervyüsında seslendirdi.

«Rusiyenen qıyaslasaq, ğarb ülkelerinde em de Ukrainada insannıñ ayatına başqa türlü qıymet kesile. Ne qadar ölmese de, totalitar rejim insanlarnıñ ömürleri içün mesuliyetli degil. Bizde ise birden soqaqqa çıqarlar, soylârı prezidentke barırlar. Ğarp ülkelerinde de aynı öyle. Olar içün insan ömüri pek qıymetli. Putin bunı pek yahşı qullanıp, oynay. Halq anda indemey, demokratik devletlernde ise başqa türlü. Meselâ, ğarp ülkelerinde şantajğa baqmayıp cüratnen areket etse ediler, zaman başqa olur edi», – dedi o.

Qırımtatar halhınıñ lideri er kün Qırımnıñ Rusiye taradından işğal etilgenine soñunı yaqınlaştırğan şeyler aqqında söyledi.

Cemilev: «Putinnen laf etken soñ, men andan birden Brüselge NATO toplaşuvına kettim, olar da: bizlerde er şey yavaş çezilgenini, amma eminliknen ileri ketkenini qayd etken ediler. İşte, Rusiye Qırımnı mıtlaq serbest qaldıracaq: ya da Rusiye dağılacaq ve Qırımnı keri bermege mecbur olacaq…» – dep farz etti.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar.

Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG