Link açıqlığı

Saatnıñ esas haberi

Advokat Feygin «Cemilevniñ işi» boyunca Rusiye Yüksek mahkemesiniñ qararını ala bilecek


Advokat Mark Feygin
Advokat Mark Feygin

Rusiye Yüksek mahkemesi advokat Mark Feyginge Ukraina halq vekili, qırımtatarlarnıñ lideri Mustafa Cemilevke memleketke kirişniñ yasaq etilmesi aqqında şikâyet boyunca mahkeme qararını berecek. Bunı advokat öz Twitter saifesinde haber etti.

Fevral 3, cuma künü Mark Feygin, Cemilevniñ Rusiyege kirişi yasaq etilmesi aqqındaşikâyet boyunca Yüksek mahkemeniñ qararını oña endi bir buçuq ay devamında bermegenlerini beyan etti. Onıñ fikirine köre, İnsan aqları boyunca Avropa mahkemesine muracaat etmek etmege imkân qaldırmamaq içün, mahkemede vaqıtnı mahsus sozalar.

Biraz soñra Feygin dedi ki, alınğan qararnı oña bermege vade ettiler ve onı almaq içün o Moskva mahkemesine kete. O yazdı ki, endi bu iş Avropa mahkemesine yollanılacaq.

Bundan evel, dekabrde Feygin, Rusiye Yüksek mahkemesi Ukraina halq vekili, qırımtatarlarnıñ lideri Mustafa Cemilevke memleketke kirişniñ yasaq etilmesini qanuniy olaraq tanığanını bildirgen edi.

Böylece, mahkeme Cemilevniñ advokatı Mark Feyginniñ şikâyetini red etti. Cemilev içün kiriş yazağı aqqında Moskva şeer mahkemeseniñ qararı küç aldı.

2014 senesi Rusiyeniñ silâlı hızmetleri Mustafa Celilevnı yarımadağa almadılar ve yasaq aqqında beyanname teslim ettiler. Aynı şekilde Qırımtatar Milliy Meclis reisi Refat Çubarovğa da Qırımğa 5 yıl devamında kelmege yasaq etildi.

Keçken sene Qırımnıñ rus akimiyeti Qırımtatar Milliy Meclisini, ekstremizmde qabaatlap, işğal etilgen yarımadada faaliyetini yasaq etti. AQŞ, Avropa Birligi, Ukraina ve Türkiye bu yasaqnı tenqit ettiler.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG