Link açıqlığı

Saatnıñ esas haberi

İlmi Umerovğa yañılanğan iddianame taqdim etildi


İlmi Umerov. 30 yanvar 2017 senesi
İlmi Umerov. 30 yanvar 2017 senesi

Qırımtatar Milliy Meclis reisiniñ muavini İlmi Umerovğa yañılanğan iddianame taqdim etildi. Bunı Radio Svoboda jurnalisti haber ete.

Muhbir: «İlmi Umerovğa yañılanğan iddianame taqdim etildi. İç bir şey deñişmedi. Aynı madde, aynı vaqia qaldı», – dep qayd etti.

Bundan evel Rusiye FSB tarafından Umerovğa qarşı yañı tarirde iddianameniñ taqdim künü yanvar 30, bazarertesi kününe keçiktirilgen edi.

Bundan evel İlmi Umerov FSB taqiqatçısı onı yanvar 27 kününe çağıttırıp «qabaatnı yañı şekilde» taqdim etmege istegenini haber etken edi.

İlmi Umerovnıñ qızı Ayşe 2016 senesi dekabr 30-da bildirdi ki, babası Rusiye maliye monitoringi federal hızmetiniñ saytında derc etilgen terrorist ve ekstremistler cedveline kirsetilgen. Onıñ nomerası 5826. Umerov, bu cedvelge kirsetilmesine qarşı mahkemede itiraz bildirmege niyetli olğanını beyan etti.

XS
SM
MD
LG