Link açıqlığı

Qırımtatarlar dünya memleketlerinden 1944 senesiniñ sürgünligini genotsid olaraq tanımalarını talap ete


Dünya qırımtatar kongressiniñ toplaşuvı

Dünya qırımtatar kongressi farqlı memleket ükümetlerine muracaat etip, 1944 senesiniñ qırımtatar sürgünligini genotsid olaraq tanımağa çağırdı. Bu aqqında «Qırım haberleri» agentligi bildire.

«1944 senesi halqnı bütünley yoq etmek içün kerçekleştirilgen kütleviy qırımtatar sürgünligi cinayet olaraq tanılıp, halqara uquqqa köre genotsid sayıla. Böylece, Kongress muracaat alğan devlet ükümetlerinden 1944 senesiniñ adise-vaqialarını genotsid olaraq tanımalarını talap ete», – dep qayd ete neşir.

Muracaat Avropa, Amerika, Latin Amerika, Afrika ve Birleşken Milletlerde temsil etilmegen millet ve halqlar teşkilâtınıñ tahminen 300 devlet-azasına yollanılğandır.

2015 senesi noyabr 12-de Ukraina 1944 senesi mayıs 18-de kerçekleştirilgen qırımtatar sürgünligini genotsid olaraq tanıdı.

XS
SM
MD
LG