Link açıqlığı

İnsan aqlarınıñ bozulmasını toqtatmaq içün Rusiyege qarşı muvaqqat tedbirlerniñ alınılması aqqında qarar, eñ yaqın aylarda qabul etilmek mümkün. Bunı Qırım.Aqiqat Radiosınıñ efirinde Ukraina Tışqı işler nazirliginiñ (TİN) matbuat-kâtibi Maryana Betsa bildirdi.

«Bunen beraber Ukraina, BM Halqara nahkemesine muracaat etip, işniñ özü baqılacaq vaqıt devamında, Rusiye Federatsiyası tarafından insan aqlarınıñ bozulmasını toqtatmaq içün acele sürette muvaqqat tedbirlerniñ qabul etilmesi aqqında rica etti. Muvaqqat tedbieler aqqında qarar bir ya da eki ayda qabul etilmek mümkün. Bu, asılında, çoq vaqıt talap etmey, lâkin bu da müyim bir sual, onı da mahkeme baqmaq kerek. İşniñ özüne kelgende ise, bu kibi işler, çoqusı allarda, Halqara nahkemede bir-qaç yıl devamında baqıla», – dedi Betsa.

Bundan ögüne Qırımtatar Milliy Meclisiniñ reisi Refat Çubarov, Qırım.Aqiqatqa bergen izaatında Birleşken Milletler Teşkilâtınıñ Halqara mahkemesi Rusiyede insan aqlarınıñ bozulması toqtatılsın dep alğan tedbirler işğal etilgen Qırımda repressiyalarnı eksilteceklerini aytqan edi.

Yanvar 16 künü Ukraina BM Halqara mahkemesine muracaat etip, terrorizm ve ırq ayırımına maddiy destekekniñ toqtatılması aqqında halqara konventsiyalar Rusiye tarafından bozulğanına şikâyet etti. Ukraina Tışqı işler naziligi Rusiye Qırımda rus olmağan cemiyetler, şu cümleden etnik ukrain ve qırımtatarlarnı ayırımğa oğratıp, millet ayırımınıñ er angi çeşiti ile küreş Konventsiyasını boza, dep qayd ete.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG