Link açıqlığı

İslâm alimleri «hırsızlanğan topraqta» qılınğan namaz qabul etilemi-yoqmı, dep munaqaşa ete


Örnek resim

İslâm alimleri Yüce Rabbimiz yat, hırsızlanğan, zapt etilgen topraqta qılınğan namaznı qabul etemi-yoqmı, dep tartışa. Ekseriyeti namaz qabul etile, dep tüşüne. Amma böyle bir topraqta ibadet etmek olmağanını aytalar. Bunı esas Ukrainadaki musulmanlarnıñ diniy idare müftisi Ayder Rustamov Qırım.Aqiqatqa aydınlattı.

«Qayd etmeli ki, mında er bir qırımtatarınıñ vazifesi bar – vatanını işğalden azat etmek içün ne yapqanını tüşünip yatmaq ve uyanmaq kerek. Qırımdan tış olmağa mecbur insanlar da bunı tüşünmeli. Yüreklerimiz aynısını dese, arzumız kerçekleşir – işğalciden qurtulırmız... Namaz islâm dininiñ farzıdır, qırımtatarlar ibadet etmege mecburlar. Qırımtatarlar zapt etken topraqta degil, olar zapt etilgen vatanlarında yaşaylar», – dep ayttı Rustamov.

Müfti qayd etti ki, «işğalci akimiyetke yardım etip iş tutqanlar günâh işleyler», olarnen «ibadet aqqında degil, başqa şeyler aqqında» laf etmek kerek.

2016 senesi noyabr 19-da 14 qırımtatar din cemiyeti Kyivde toplaşіp, müftiylikni qurdılar. Müfti Ayder Rustamov oldı, o, Kyivdeki qırımtatar cemiyeti yanında Musulmanlarnıñ diniy qıymetleri komitetiniñ yolbaşçısı ola. Alimler şurası da quruldı, onıñ yolbaşçısı olaraq Ukraina musulmanları birliginiñ reisi Suleyman Hayrullayev saylandı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG