Link açıqlığı

Qırımtatar Milliy Meclisiniñ reisi Refat Çubarovnıñ fikirince, Frenkistan prezidenti vazifesine namzetini köstergen, «Milliy cebe» firqasınıñ lideri Marine Le Pen Putinden borc alğan paranı yerine ketirmektedir. Çubarovnıñ bu izaatlarını 24 telekanalı derc ete.

«Marine Le Pen Rusiyede 9 million kredit aldı. Onı Çeh-Rusiye bankı üzerinden resmiyleştirgen olsa da, er kes bunı bile. Bu lafları Rusiye satın alğan fikir olaraq qabul etilmeli», – dep ayttı Çubarov.

O, Le Pen Frenkistan prezidenti olacağından emin. Çubarovnıñ fikirince, Frenkistan siyasetçisi saylavaldı kampaniyasına para alğan edi.

Qırımtatar Milliy Meclisiniñ reisi qayd etti ki, Frenkistan siyasetçisi Rusiye areketleriniñ qanunğa uyğanını aytıp, «işğal» sözüni qullandı. O, ise zornen qoşuv manasına kele, bu sebepten «adaletli işğal» söz ibaresi eñ az hucur olaraq qabul etile.

Ukraina Havfsızlıq hızmeti Tışqı işler nazirligine Frenkistan prezidenti namzeti, «Milliy cebe» firqasınıñ lideri Marine Le Penge Ukrainağa kiriş yasağına dair mektüp yollağan.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Halqara teşkilâtlar Qırımnıñ işğal ve ilhâq etilmesini qanunsız areket olaraq tanıdılar. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG