Link açıqlığı

Çiygoznı 2017 senesi aprel ayında qadar apiste qaldırdılar


Qırımtatar Milliy Meclis reisiniñ muavini Ahtem Çiygoz 2017 senesi aprel 8 kününe qadar apiste qaldırıldı. Böyle qarar Rusiye kontrolündeki Qırım Yuqarı mahkemesinde qabul etildi.

Advokat Nikolay Polozov 12 dekabrde Twitter saifesinde yazdı ki: «Qırım mahkemecileri Ahtem Çiygoznıñ apiste tutılacaq müddetini 3 ayğa, 08.01.17 tarihınden 08.04.17 qadar uzattı».

Ahtem Çiygoz 2015 senesi yanvar ayında 2014 senesi fevral 26-da Qırım Yuqarı Radasınıñ binası ögünde keçirilgen Ukraina topraq bütünligine qoltutuv mitinginde iştirak etkeni içün yaqalanğan edi. O vaqıt Rusiye tarafını tutqan, bu cümleden «Russkoye Yedinstvo» («Rus Birligi») firqası, miting iştirakçilerine qarşı çıqtı. İşğal olunğan Qırımnıñ Rusiye akimiyeti onı kütleviy çatışmalarnıñ teşkil etmesi ile qabaatlay.

Rusiye mahkemesi «Çiygoznıñ işini» «fevlral 26 işi» çerçivesinde, iyül 20-de mahkeme qapalı toplaşuvda «fevral 26 işini» ekige bölgen soñ oldı: ayrı – Ahtem Çiygoz boyunca, ve ayrı – cinaiy iş boyunca qabaatlanğan Ali Asanov ve Mustafa Degermenci boyunca.

XS
SM
MD
LG