Paylaşmaq qıyın degil: Qırımdaki siyasiy mabuslarnıñ qorantalarını Kyivde desteklediler (video)

Kyivde 11 dekabrde, Halqara İnsan aqlarınıñ qoruvı Künü münasebetinen, hayriye aktsiyası keçirildi. Toplanılğan paralar işğal etilgen Qırımda siyasiy mabuslarnıñ ailelerine yollanılacaq. Qırımtatar halqınıñ lideri, Ukraina millet vekili Mustafa Cemilev, bu aktsiya Qırımdaki insanlar içün pek müim olğanını qayd etti: «Bu aktsiyanıñ esas maqsadı – maneviy destektir. İnsanlar, öz başına qalmağanlarını, halq olarnen beraber olğanını bilmek kerekler».