Link açıqlığı

Sürgünlik qurbanlarınıñ hatırası olaraq «Süren» stantsiyasındaki demiryol vagonı yanında muzey, cami ve kilse qurmağa niyetliler


«Süren» stantsiyasında memorial vagonı

Rusiye nezaretindeki Qırım akimiyeti, Qırımdan sürgün qurbanlarınıñ hatırasına «Süren» stantsiyası yanında yerleştirilgen memorial kompleksinde, demiryol vagonından ğayrı, muzey binası, cami, kiçik kilse, eykel ekspozitsiyası, «Qırım halqlarınıñ tirilmesi» stellası, köşük ve çeşme qurmağa teklif ete. Kompleksni 2019 senesi qurıp bitirmege niyetliler, dep yaza Kreml kontrolündeki Qırım akimiyetiniñ matbuat-hızmeti.

Berilgen haberge köre, Memorialnıñ qurucılığına 500 million ruble masraf etilecek.

Qırımnıñ şimdiki akimiyet vekilleri memorial kompleksniñ qurulacaq yerinde
Qırımnıñ şimdiki akimiyet vekilleri memorial kompleksniñ qurulacaq yerinde

Qurulacaq monumentniñ müellifi – rusiyeli eykeltraş, İlya Glazunov adına Rusiye ressamcılıq, eykel ve mimarlıq akademiyasınıñ eykelci kafedrasınıñ müdiri Salavat Şerbakov ola. O Aqmescitteki «nezaketli insanlar» eykelini qurğan edi.

«Süren» demiryol stantsiyası yanında Sürgünlik memorialınıñ birinci qısımı 18 mayıs künü açılğan edi. O yerden 1944 senesi sürgün etilgenlerni alıp ketken eşelonler köçe edi. Episi olıp 180 biñden ziyade insan sürgün etilgen edi.

XS
SM
MD
LG