Link açıqlığı

Saatnıñ esas haberi

Ukrain sıñırcıları «Çonğarda» 10 Tacikistan vatandaşını yaqaladı


«Çonğar» kiriş-çıqış nezaret noqtası, tasviriy resim
«Çonğar» kiriş-çıqış nezaret noqtası, tasviriy resim

«Çonğar» kiriş-çıqış noqtasında Berdânsk sıñır bekçileri taqımı 10 Tacikistan vatandaşını yaqaladı. İnsanlar gece, 25 noyabrde, memuriy sıñırnı kerekli vesiqalarsız qanun bozuvlarınen keçmege tırıştı. Bunı Ukraina Devlet sıñır hızmeti haber ete. Bildirüvde aytılğanı kibi, Tacikistan vatandaşlarından biri sıñır bekçisine 10 biñ ruble miqdarında habar bermege tırışqan.

«Tacikistan vatandaşları işğal etilgen Qırımğa qapalı kiriş noqtalarından keçtiler. Qanunnı bozğanlarğa üç yılğa Ukrainağa kiriş yasaq etile», – dep qayd ettiler Ukraina Devlet sıñır hızmetinde.

Noyabr 23 künü Berdânsk taqımınıñ sıñırcıları «Çonğar» kiriş-çıqış nezaret noqtasında memuriy sıñırnı bozuv ile ve talap etilgen vesiqasız keçecek olğan 15 Özbekistan vatandaşını tutqan edi.

XS
SM
MD
LG