Odessa vilâyetiniñ devlet memuriyetiniñ yolbaşçısı Miheil Saakaşvili istifağa çıqmağa qarar aldı. Bunı o Odessadaki brifingde aydınlattı, dep haber ete Radio Svoboda.
«Men istifağa çıqıp, küreşniñ yañı basamağına başlamağa qarar aldım», – dep bildirdi Saakaşvili.
Bundan evel Odessa politsiyasınıñ yolbaşçısı Giorgi Lortkipanidzeniñ istifağa çıqqanı belli oldı.
«Al-azırda Odessa politsiyasınıñ inkişafı içün yañı küç kerek. Bugün istifa aqqında ariza bermege qarar aldım», – dep ayttı Lortkipanidze.
2015 senesi mayıs ayında Ukraina prezidenti Petro Poroşenko Saakaşvilige vatandaşlıq berdi, bundan soñ onı Odessa VDM reisi vazifesine tayin ettiler.
