Link açıqlığı

Geraşçenko Ukraina Devlet sıñır hızmetini Qırımda çıqışta bulunğan Rusiye artistleriniñ kirişini nezaret etmege çağırdı


İrina Geraşçenko

Ukraina Yuqarı Radasınıñ spiker muavini İrina Geraşçenko noyabr 4-de bildirdi ki, Ukraina Devlet sıñır hızmeti Qırımda qanunsız alda çıqışta bulunğan Rusiye artistleriniñ Ukrainağa kirmesine dair muracaatına köz boyama olaraq cevap berdi. Bundan ğayrı, Geraşçenkonıñ malümatına köre, Donbassnıñ işğal altındaki topraqlarda keçirilgen «saylavlarnıñ» nezaretçileri de Ukrainağa kelip kete.

«Sıñırcılardan hucur bir cevap aldım, «labuhov» ve «nezaretçilerniñ» soyadlarınıñ latincesini ve doğğan künlerini yazmadıq dediler, demek ki, sıñır hızmeti olarğa qarşı memuriy ya da cinaiy iş açıldımı-yoqmı teşkerip olamay. Elbet de, bu cevap meni açuvlandırdı, Ukraina – keçit azbarı degildir», – dep yazdı Geraşçenko Facebookta.

Deputat «Qırım ve Donbassnıñ qanunsız ziyaretleri meselesini» kontrol etecek gruppanı qurmağa talap etti.

Ukraina Devlet sıñır hızmeti noyabr 4-de işğal etilgen Qırımğa kiriş içün cinaiy ve memuriy mesüliet aqqında hatırlatıp, çetel vatandaşları ve vatandaşlıqsız insanlarnı davet etkende buña emiyet bermege çağırdı.

XS
SM
MD
LG