Link açıqlığı

Kyivte «Molodist» film festivalinde «Mustafa» filmini numayış ettiler


Kyiv, 28 oktâbr 2016, «Mustafa» filminiñ taqdim merasimi

Oktâbr 28, cuma künü Kyivte keçirilgen «Molodist» halqara film festivalinde qırımtataq halqınıñ lideri Mustafa Cemilevniñ yaşayışı aqıında tarif etken «Mustafa» filmi taqdim etildi.

Filmde Mustafa Cemilevniñ rolüni icra etken aktör Maksim Pasiçnik ve qırımtatlarnıñ lideri bu künü ilk kere biri birinen körüştiler: olar biri birini qucaqlap selâmlaştılar, dep haber etti Qırım.Aqiqat muhbiri.

Cemilevniñ özü bu filmni «endi ekinci kere» seyir etti. Külümsirep, o jurnalistlerge dey ki: «Buña mecburım, maña qalsa, men onı sigarnen evde baqar edim». Kinofim onı özgün teessurat qaldırdı.

«Bu filmniñ eñ müim tarafı – o sadece bir insannı degil de, milliy areketni köstere, milliy areketniñ dramatik ketişatını. Bunı olar becerdiler. Bazı nuqsanlar da bar, lâkin olar müim degiller, müimi – yöñeliş», – qayd ete o.

Filmniñ prodüseri Tamila Taşeva dey ki, taqdim merasimine biletler cumaaqşamı künü saba satılıp başladılar, cuma künü üylede boş yerler endi qalmağan edi.

Salonda Ukraina millet vekilleri, memurlar, cemaat erbapları, grajdanlığ ve siyaset faalleri, medeniyet erbapları ve, elbetteki, qırımlılar toplaştı. Mustafa Cemilev aqqında fikirlerinen yırcı Jamala da paylaştı.

«O pek ikmetli, cesür, fikriy küreşniñ timsalidir. Çoq şeylerni añlamağan bütün insanlarnen o müneverlik, aqıl, tecrübe ile küreşe, ve bu özüne meyil etmemek mumkün degil», – dedi o.

Prodüserniñ sözlerine köre, «Mustafa» filmini bir sıra halqara festivallerde numayış etmege azırlanalar. 18 mayıs sürgünlik qurbanlarınıñ hatıra kününde filmni Ukrain telekanallarında kösterecektirler.

«Mustafa» filmi seyircige ukrain siyesetçisi ve cemaat erbabınıñ ayat yolu añlata, sovetler devirinde qırıtatarlarnıñ Qırımğa qaytmalı içün küreşkeni, apis etilgeni, açlıq ilân etkeni aqqında tarif ete. Film qırımtatarlarnıñ milliy lideriniñ şahsiy çizgilerini köstere ve Cemilevniñ şimdiki yaşayışını, Qırımnıñ azat etilmesi içün küreşkenini tarif ete. Tarih qaramannıñ öz sözlerinen, tarihçı, sovet dissidentleri, Cemilevniñ yaqınları tarafından ikâye etile Rejissör Ahmed Sarıhalil qırımtatar milliy lideriniñ bazı hatıravlarını sanalaştırıtı, bazı yerlerde intervyü ve vesiqalı malümatlarnı qullandı.

Filmniñ azırlanılmasına Demokratiya içün Milliy Fond tarafından ayırılğan 50 biñ dollar ve hayriye olaraq toplanılğan 150 biñ grivna kerek oldı.

XS
SM
MD
LG