Link açıqlığı

Yaltada olıp keçken forumda Putinnı qırımtatar Hıdırlez bayramına davet ettiler


Vladimir Putinni işğal etilgen Yalta şeerinde «Areket Forumı. Qırım» Umumrusiye milliy front forumında

Oktâbr 26 künü işğal etilgen Qırımnıñ Yalta şeerinde olıp keçken «Areket Forumı. Qırım» Umumrusiye milliy front forumında qırımtatarı olğan İbraim Şirin Vladimir Putinni Hıdırlez bayramına davet etti. Puttinnıñ çıqışı ve oña berilgen sualler «Rossiya 24» kanalında canlı numayış etildi.

Şirin daa dedi ki, «Qırımnıñ Rusiyege qoşulması sayesinde» qırımtatarlar içün çoq şey «yahşı tarafqa deñişti, neşirler inkişaf etti, «Millet» telekanalı açıldı, qırımtatar tilinde mektepte oqumağa mumkün».

Qırımtatar Milliy Meclis reisiniñ muavini Nariman Celâl Qırım.Aqiqatqa bergen izaatında dedi ki, «siyasetçı, lider ya da diktatornen» hoşlanmaq – er kesniñ şahsiy işidir, eñ esası «bunı obyektiv şekilde yapmaq».

«Qırımtatarlarğa qarşı, Rusiye qanunlarına ters şekilde, ötkerilgen yaqalavlar ve mahkemeler vaqıtında o şahıslarğa sadıqlığını ve sevgisini köstermek içün bayramlarnı keçirip te olarğa davet etmek – bu ya da menfaat içün yapıla, ya da bunı yapqan adam ruhtan hasta», – dedi Celâl.

Ondan da ğayrı o «Millet» telekanalnıñ peyda oluvından ögüneАТR telekanalı qapatılğanını ayttı. Neşiriyatınen de aynı vaziyet: «Meraba» gazetası açıldı, «Avdet» ise zapt etilgen Qırımnı terk etmege mecbur oldı.

Ukraina Tışqı işler nazırligi Putinniñ Qırımğa barıp kelgenine qarşı çıqıp, Rusiyege itiraz bildirdi.

Bundan evel Vladimir Putin ve Dmitriy Medvedev zapt etilgen yarımadada sentâbr 15 künü olğan ediler. O vaqıt Keriçte «ülkeniñ cenübi ile naqliyat sistema meselesi» boyunca Rusiye Devlet Şurasınıñ prezidium toplaşuvı olıp keçken edi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG