Link açıqlığı

Ukraina Baş savcılığı qırımtatarlarnıñ genotsidi boynca 160 insannı sorğudan keçirecek.


Uraina Baş Prokuraturasında özleri ya da aqrabaları 1944 senesi Qırımdan sürgün etilgen 160 insannıñ cedveli tizilgenini beyan ettiler.

Müessiseniñ matbuat hızmeti haber etkeni kibi, olarnı qurbanlar olraq sorğudan keçirmek içün, olarnıñ Herson vilâyetine kelecek künleri ve yanlarına alacaq vesiqaları belgilendi. Böylece olar mecburiy sürgünde iştirak etkenlerini isbatlaycaqlar.

Ukraina Baş savcılığı bu kibi işlerde, şu cümledem Holodomor işinde, evel endi taqiqatlar alıp barğan Ukraina Telükesizlik Hızmetiniñ taqiqatçılarını ayrı taqiqat işlerini alıp barmaq içün celp etecegini beyan ete.

Bundan da ğayrı, bu iş boyunca Baş prokuratura Ukrainanıñ 300 ilmiy kitaphanesine muracaat etip, 1944 senesi qırımtatar halqınıñ Qırımdan sürgün etilmesinen bağlı malümatlarnı (vesiqa, derc etilgen maqale, ilmiy işlerni) bermege rica etti. Soñra ilmiy-demografik ekspertiza tain etilecektir.

Mayıs ayında Ukraina Baş prokuratursındaki Qırım Muhtar Cumhuriyetiniñ savcılığı qırımtatar milletiniñ ve diger halqalrnıñ 1944 senesi evelki Qırım SSC topraqlarından mecburen sürgün etilgenleri boyunca cinaiy iş çerçivesinde mahkemeden ögüne taqiqatlar ötkerecegini bildirgen edi. Bu vaqialar Ukraina Cinaiy Kodeksiniñ 1 bölümi 442 maddesi (genotsid) boyunca taqiq etile.

Qırım prokurorınıñ malümatına köre, 1944 senesi mayıs-iyül aylarında Qırımdan 225 biñden ziyade qırımtatar ve diger halq mensupları Özbekistan, Qazahistan, Başqurtistan Cumhuriyetlerine ve diger RSFSC vilâyetlerine sürgün etildiler.

2015 senesi 12 noyabr künü Ukraina Yuqarı Radası qırımtatarlarnıñ 1944 senesi sürgün etilgenlerini genotsid olaraq tanıdı.

Mayıs 18 künü – Qırımtatar halqınıñ sürgünlik qurbanlarınıñ hatıra künüdir. Bu künü 1944 senesi yarımadadan Orta Asiyağa qırımtatarlarnı alıp ketken ilk tren köçken edi. Episi olup 180 biñden ziyade qırımtatarı sürgün etilgen edi.

Er sene Qırımda sürgünlikniñ yıllığına bağışlanğan hatıra merasimleri keçirile edi. Şu cümleden – Qırım paytahtınıñ merkezinde matem mitingleri ötkerile edi. Lâkin 2014 senesi mart ayında yarımada Rusiye tarafından işğal etilgen soñ Aqmescitniñ merkezinde bu kibi merasimler yasaq etildi.

XS
SM
MD
LG