Link açıqlığı

Yañıdan qurulğan Qırımlı «Tavriya» futbol taqımı oktâbr 16 künü birinci oyunını qıtaiy Ukrainada Berislav şerinde öz meydanında keçirecek. Qırımlılar «Jitomir» futbol taqımı ile küreşecekler.

Oktâbr 26 ve 30 künleri «Kvadro» ve «Viktoria» taqımları ile oyunlar keçirilecektir.

Bunı Qırım.Aqiqatqa Qırım Futbol Birliginiñ prezident muavini Oleg Komunâr bildirdi.

O qayd etti ki, evelleri «Tavriya» çıqışta oynay edi, çünki taqım endi başlanğan çempionatqa qoşulğan edi.

Bu bazar künü, 9 oktâbrde «Tavriya» Pervomaysk şeerinde oynaycaq. Onıñ raqibi Nikolayev vilâyetinde (1969 senesi qurulğan, 1995-te çempion olğan ve 2013-te Kup qazanğan) «Pervomaysk» futbol taqımı olacaq.

Bu sene avgust ayından başlap Qırım Futbol Birligi öz işini qıtaiy Ukrainada yañıdan başladı. Aqmescitli «Tavriya» futbol taqımı aveskârlar arasında keçirilgen Ukraina birinciligine qoşuldı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG