Link açıqlığı

Saatnıñ esas haberi

Qırımda mahkeme Mauşev içün toplaşuvnı onıñ ana tilinde keçirmege istemedi – Smedlâyev


Ali Asanov, arhiv resimi
Ali Asanov, arhiv resimi

Oktâbr 7 künü Kremlinniñ nezareti astındaki Aqmescit Merkeziy rayon mahkemesi «26 fevral» işi boyunca keçken Ali Asanov ve Mustafa Degermenciniñ apiste tutuv muddetini uzattı.

Maznunnıñ tatası Mavile Degermenci Facebookta haber etti ki, Mustafa Degermenci ve Ali Asanovnı 2017 senesi yanvar 7 kününe qadar apiste qaldırdılar.

«Mahkeme salonına bizni öyle de yibermediler, mahkemeniñ azırlıq oturışını qapalı surette keçirmege qarar aldılar», – dedi maznunnıñ tatası.

Bu malümantıñ resmiy tasdiqlanması şimdilik yoq.

Rusiyeniñ Qırımdaki mahkemesi «fevral 26 künü» işini ekige böldi: ayırda – Milliy Meclis reisiniñ muavini Ahtem Çiygoz boyunca, ve ayırda – diger iştirakçiler – Ali Asanov ve Mustafa Degermenci.

Ukrainı Tışqı işler nazirligi (TİN) Ukrain vatandaşları işğal olunğan Qırımda taqip etilgenlerinden raatsız olğanını beyan etip, basqılarnı toqtatmapa çağırdı. Bunen beraber TİN Dünya toplulığına muracaat etip, bütün mumkün olğan siyasiy ve uquqiy çareler ile Rusiyege tesir etmege, onıñ totalitar usullarnen insan aqları ve söz serbestligini yoq etmesini toqtatmağa, ve apis etilgen ukrain siyasiy mabuslarnı azat etmege çağırdı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG