Oktâbr 6, cumaaqşamı künü Kyivteki Darnitskiy bölge mahkemesinde, devlet hainliginde qabaatlanğan Aqyar şeer şurasınıñ eski milletvekili Vladimir Galiçiyniñ mahkeme işi boyunca toplaşuv keçirildi.
«Mehkemeci nevbetteki toplaşuvlarnıñ künlerini belgiledi ve oktâbr 18 kününe qadar toqtaluv ilân etti», – dep bildirdi Qırım.Aqiqat mühbiri.
Mahkeme oturışı devamında sabıq deputatrnıñ advokatları «yedek mahkemecisini» tainlemege rica ettiler, lâkin mahkemeciler eyyeti bu muracaatnı ret etti. Bunen beraber imayeciler tutulma muddetiniñ uzatılmasını añlatacaq sebeplerni açıqlamağa talap etti.
14 iyülde Kiyevniñ Darnitskiy bölge mahkemesi Vladimir Galiçiyniñ tutuqlanmasını 2 ayğa uzattı.
Sevastopol şeher şurasınıñ sabıq deputatı Vladimir Galiçiy keçken sene «Kalançak» kiriş/çıqış nezaret noqtasında yaqalanğan edi.
Ukrainalı uquq qoruyıcılarınıñ fikirine köre, «Qırım ve Aqyarnıñ mustaqılligi» içün rey bergen Galiçiy Ukraina Cinaiy kodeksiniñ 111 made 1 qısımında keçken – devlet hainligi cinayetini işledi. Qabaatı isbaatlansa, sabıq millet vekili 12-15 yıl arasında müddetni apiste ceza olaraq keçirecek.
2014 srnrsi mart 16 künü Qırımda ve Aqyar şeerinde yarımadanıñ statusınen bağlı «sözde referendum» keçirilgen edi. Onıñ neticesinde Rusiye Qırımnı öz terkibine qoştı. Ne Ukraina, ne Avropa Birligi, ne de Amerika Qoşma Ştatları bu rey berüvni qabul etmedi, ve Rusiye Qırımnı işqal etkenini sayalar.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
