Link açıqlığı

Saatnıñ esas haberi

Seksenden ziyade rus telekanallarından Ukrainada tek altısı qaldı – Kostinskiy


Soñki eki yıl devamında ukrain televizion efirinde Ukrain qanunlarını bozğan bir sıra rus telekenallarınıñ işi toqtatılğan edi. Böylece 83 kompaniyadan altısı yayınlarını devam ete. Olarnıñ işi Ukraina Milliy telivizion ve radio yayınlar şurası tarafından nezaret etile ve Ukrain qanunlarınıñ bozulması qayd etilgen taqdirde toqtatılmaq mumkün. Bunı Qırım.Aqiqatqa Şura azası Sergiy Kostinskiy bildirdi.

«Ukrain aileleriniñ üçte biri kablo ağları vastasınen TV seir ete. Biz öyle şaraitler yaptıq ki, evelden rusiyeliler tarafından tutılğan yerlerge ukrain biznesi, ukrain kanalları kele. Eki yıl devamında 33 yañı ukrain telekanalı peyda olda. Deñişmeler olıp keçe. Bügün Qanгn rus film de dizi-seriallarnı sıñırlay, ve biz taqip etemiz, yasaq etilgen rus programmaları TV eklnlarına keçmesin, bu ukrain kompaniyalarını öz film ve seriallarını çekmege rağbetlendire, olarnı ailelerde seir eteler ve añlaylar «bu – menim aqqımda, qomşularım aqqında, rusiye polisleri ve ordusı aqqında degil», – dey Kostinskiy.

Bir çoq rusiye telekanallarınıñ yayınları Ukrainada 2014 senesi baarden berli yasaq etilgen. «Rus arbiyleriniñ ve mahsus quvvetleriniñ küçüni meşur etken» filmler, Rusiyeniñ Ukrainağa qarşı qullanğan siyasetini, ayrıca Qırım ihlâğını, desteklegen medeniyet erbapları yasaq etilgen.

OSCE Ukrain akimiyetiniñ bu hususta yapqan areketlerini «artqaç» kibi tanıdı ve bunı öz beyanatında açıqladı.

Ukrainada yasaq etilgen soñki rus telekanalı – «Karusel» adlı bala telekanalı oldı. Programma qaramanları ava tahminlerini añlatıp, işğal etilgen Qırımnı Rusiyeniñ qısımı olaraq köstergen haritanı qullandılar.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG