Link açıqlığı

Rusiye içün vizalarnı kirsetmek ğayesine meil berem, lâkin aqibetlerni esaplamaq kerekmiz – Çubarov


Qırımtatar Milliy Meclis reisi, Ukraina halq vekili Refat Çubarov

Qırımtatar Milliy Meclis reisi, Ukraina halq vekili Refat Çubarov Rusiyege nisbetten viza rejiminiñ kirsetilmesinen razı olmaq mumkün.

Espreso.TV haber etkenine köre, Çubarov bunı Yuqarı Rada lobbisinde bildirdi.

«Viza rejiminiñ kirsetilmesini kerekli saymağa meillim. Lâkin kene daa bir kere esaplamaq kerekmiz, işğal olunğan topraqlarda yaşağan vetandaşlarımız içün nasıl aqibetler olmaq mumkün. Bu pek müim. Ekinciden, viza rejimi kirsetilgen soñ daa ileri ketmek kerekmiz – tek Rusiye ögünde degil de, bizim ortaqlarımız ögünde de talaplarnı sertleştirmek kerekmiz», – dedi Çubarov.

Onıñ sözlerine köre, BM Telükesizlik şurasında veto aqqını qullanmaq sisteması eyiliştirilmek kerek – eñ azı eki devlet isteginen veto qoyulmaq mumkün.

Bundan evel uquq qorçalayıcılar Ukraina tarafından Rusiye vatandaşları içün vizalı rejim kirsetilse, büyük ihtimal ile ukrainliler içün de vizalar kirsetilecegi ve ukrainlilerge Qırım ile memuriy sıñırnı keçmege daa ağır olacağını bildirgen ediler.

Keçenleri Ukraina Yuqarı Rada Yolbaşçısı Andriy Parubiy deputatlarğa Rusiye ile vizalı rejimnı kirsetmek meselesini baqmağa teklif etken edi.

XS
SM
MD
LG