Link açıqlığı

Birleşken Milletlerde beş devletniñ veto aqqını sıñırlamağa teklif etildi


BM Telükesizlik şurasınıñ yaqınlarda keçirilgen meclisinden bir levha

Birleşken Milletler teşkilâtınıñ İnsan aqları boyunca Baş komissarı Zeid Raad Al-Hussein BM Telükesizlik şurasını Şuranıñ daimiy azaları sayılğan beş devletniñ veto aqqını sıñırlamağa çağırdı. Böyle aq beş devletten er birine – Büyük Britaniya, Çin, Rusiye, AQŞ ve Frenkistanğa – er angi qararnıñ qabul etilmesine mania olmağa imkân bere.

Böyle teşebbüsni oktâbr 4, salı künü Cenevrede seslendirer ekende, Baş komissar, bu adım atılsa, Suriyedeki arbiy cinayetler boyunca işlerni Halqara cinayet mahkemesine bermege mümkün olacağını ayttı. Bunu Radio Svoboda haber ete.

Raad Al-Husseinniñ fikrince, dava taraflarınıñ cezasız qalmaları ve yapılğan cinayetlerniñ miqyası köz ögüne alınsa, Suriyedeki arbiy cinayetler boyunca işlerniñ teslim etilmesi «ğayet kerekli» olur edi.

BM İnsan aqları boyunca müessise yolbaşçısınıñ fikrine köre, dava taraflarınıñ bazı areketleri, kerçekten, arbiy cinayetler ya da insaniyetlikke qarşı yapılğan cinayetler olaraq tanılmaq mümkün.

XS
SM
MD
LG