Link açıqlığı

Devlet Dumasına ketecek qırımlı siyasetçiler yerine namzetlerni Konstantinov beyan etti


Vladimir Konstantinov

Rusiye tarafından tainlengen Qırım Devlet şurasınıñ spikeri Vladimir Konstantinov prezidiumnıñ oturışında Devlet Dumasına seçilgen siyasetçilerniñ boşaycaq yerlerine öz namzetlerimi teklif etti. Bunı RİA «Novosti» bildire.

Böylece, spikerniñ birinci muavini yerine Natalya Malenkonıñ namzeti teklif etildi. Alazıra o Devlet Şura emek, içtimaiy qoruv, sağlıq saqlav ve veteranlar işleri boyunca komitetiniñ yolbaşçısı ola. Bundan ögne bu vazifede Konstantin Baharev buluna edi.

Emek, içtimaiy qoruv, sağlıq saqlav ve veteranlar işleri boyunca komitetiniñ yolbaşçısı vazifesine ise Aleksandr Şuvalovnıñ namzeti teklif etildi. Alazırda o şu komitette yolbaşçı muavini ola ve aynı zamanda o Devlet şurasınıñ qanun çıqaruv komitetiniñ azası. Medeniyet ve medeniy miras qoruq komitetiniñ yolbaşçısı vazifesine de teklifler bar.

Bundan ögne kometetiniñ yolbaşçısı Svetlana Sançenko edi. O Qırımdan Rusiye Gosdumasına deputat olaraq seçildi. Savçenkonıñ yerini Nina Permakova alacaqtır. Qadın «Zolotoy klüçik» halqara teatr sanatınıñ merkeziniñ reberi, Devlet şurasında devlet qurucılığı ve yerli idare etüv komitetiniñ kâtibi , emek, içtimaiy qoruv, sağlıq saqlav ve veteranlar işleri boyunca komitetiniñ azası ola.

Bundan da ğayrı, Konstantinovnıñ aytqanına köre, Rusiye Devlet şurasına keçken Konstantin Baharev, Andrey Kozenko, Svetlana Savçenko ve Pavel Şperov tarafından vaqıtından evel deputatlıqtan vazgeçüv arizaları keldi.

«Yedinaya Rossiya» firqasınıñ Qırım cümhuriyet teşkilâtınıñ prezidiumı öz qararınen «Yedinaya Rossiya» QCT regional siyasiy şurasına Aleksey Andreyev, Vasiliy Rogatin, Natalya Fomiçevanıñ namzetilerini Devlet Şurasından ayırılacaq deputatlarnıñ yerlerine teklif etti.

«Bu insanlar Qırımda belli ve siyasiy semada çoqtan körüneler. Qırım sakinleri olarnı tanıy», – dep ayttı Vladimir Konstantinov.

2016 senesi iyün ayından berli serbest olğan agrar siyaseti, ekologiya ve tabiyat resursları komitetiniñ yolbaşçısı vazifesine İgor Budanovnıñ namzeti teklif etildi.

Konstantinovnıñ sözlerine köre, kadrlar meselesi oktâbrniñ 19-da baqılacaq.

Qırım Muhtar Cumhuriyetiniñ prokuraturası işğal olunğan Qırımda Rusiye Devlet dumasına saylavlarnıñ keçirilmesine cevaplanıp, Mahkemeden ögüne tedqiqatlar Qayıtlarına malümatlar kirsetti: cinaiy qanun bozuvı Ukraina Vinaiy kodeksiniñ 1 maddesi 111 qısımı (devlet hainligi) boyunca açıldı. Maddeniñ cesa bölümi «Yedinaya Rossiya» cedvelinden Devlet Dumasına saylanılğan Ruslan Balbek, Mihail Şeremet ve Natalya Poklonskaya, bir mandatlıq saylav bolüklerinden keçken Konstantin Baharev, Svetlana Savçenko, Dmitriy Belik ve Andrey Kozenko içün on eki yıldan on beş yılğa qadar azatlıqtan marum etilmelerini nazarğa ala.

Rusiye Devlet Dumasına saylavlar sentâbr 18-de keçirildi. Moskva bu saylavlarnı işğal etilgen Qırımda da keçirmege qarar alğanı sebebinden Kyiv ve Ğarbiy devletler tarafından itiraz bildirildi.

Bir sıra devletler, bu cümleden, AQŞ, Kanada, Frenkistan, İsveçiya işğal etilgen Qırım territoriyasında saylavlarnıñ qanuniy olğanını tanımağa red etti.

Poloniya Tışqı işler nazirligi Rusiye Devlet Dumasına bütün parlament saylavlarınıñ qanuniy olğanını şübeli saydı.

Sentâbr 20 künü Ukraina Yuqarı Radası işğal olunğan Qırımda keçirilgen saylavlarnı qanunsız olaraq tanıp, Rusiye Devlet Dumasınıñ VII terkibini bütünley red etti.

XS
SM
MD
LG