Link açıqlığı

Moskvada Grebnoy kanalında lazer vastasınen Keriç köprü resimi yapılacaq


Moskvada Grebnoy kanalında Qırım köprü lazer resimi

Sentâbr 27-de Moskvada, «Yarıq tögeregi-2016» Moskva Halqara festivaliniñ qapatıluv merasimi çerçivesinde, Keriç boğazındaki Qırım köprü resimi ile lazer şou taqdim etilecek. Bu aqta sentâbr 26-da «Qırım köprü» matbuat hızmeti bildire.

Haber etilgenine köre, Qırım köprü «lazer ve şadırvanlar vastasınen Grebnoy kanalında tiklenilecek».

Leyhanıñ kreativ müdiri Vladimir Demehinniñ sözlerine binaen, teşkilâtçılarnıñ ğayesinen, Keriç köprü resiminen «devlet şeerleri boyunca seyahat başlana».

«Festival qapatıluvı merasiminde seyirciler körecek ilk kadrlar, Keriç boğazında Qırım köprü resimi olacaq. Bu unikal ve içtimaiy taraftan müim bir leyha, onı tarafta qaldırıp olamadıq», – dedi o.

«Yarıq tögeregi-2016» Moskva Halqara festivali bu sene sentâbr 23-27 künleri Moskvada altı meydançıqta keçirile. Bu, Büyük teatr, VDNH, «İzvestiya Hall» zalı, «Qırmızı oktâbr», Vorobyovı dağlarında Moskva Devlet universiteti binasınıñ divarı ve Grebnoy kanalıdır.

Keriç boğazından köpür qurulmasınıñ kerekligi aqqında Putin ta 2014 senesi, işğalden soñ aytqan edi. Köpürni 2018 senesine qadar qurmağa, 2019 senesi yazda işke tüşürmege vade etken ediler.

İyül başında «Krımskiy most» haber agentligi Rusiyeden Qırımğa Keriç boğazında köpür qurulmasınıñ umumiy fiyatı 227,92 milliard ruble teşkil etecegini bildirgen edi. Bundan evel bildirilgen edi ki, Rusiye ükümeti Keriç boğazında köpürniñ demiryol qısmınıñ vaqtınca işke tüşürilmesiniñ başlanuvını bir yılğa, yani 2018 dekabr ayından 2019 senesi dekabr ayına keçirdi.

Ukraina Rusiyenen Keriç köprüniñ qurulışı ile bağlı añlaşmadan 2014 senesi, Rusiye Qırımnı işğal etken soñ çıqtı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG