Link açıqlığı

Qırımda FSB Noman Çelebicihan adına batalyondan duşman tarafına keçken eki kişi aqqında bildire


İllüstratsiya fotoresimi – Çonğar – Noman Çelebicihan adına batalyonnıñ bayrağı

Rusiye Federal havfsızlıq hızmeti bildire ki, Qırımda Noman Çelebicihan adına batalyondan eki kişi öz isteginen teslim etildi. Bu aqta Rusiye FSB-niñ Qırım idaresi matbuat hızmeti haber ete.

FSB-nıñ qayd etkenine köre, bu, 37 yaşındaki Rustem Osmanov ve onıñ qardaşı, 20 yaşındaki Akim Osmanovdır.

Rusiyeli uquq qoruyıcılarnıñ malümatına binaen, Rustem Osmanov Noman Çelebicihan adına batalyon terkibine 2016 senesi yanvar ayında kirdi.

«Batalyonda «Arap» lağabı olğan Osmanov okop qazma, odun yarma, aş pişirme ve temizlevnen oğraşa edi», – dep qayd ettiler FSB-de.

FSB-niñ bildirgenine binaen, onıñ qardaşı Akim Osmanov batalyonğa 2016 senesi fevral ayında kirdi ve «DJ» lağabını aldı, bundan soñ onıñ lağabı «Dikiy»ge («Kiyik») deñişti.

Uquq qoruyıcılarnıñ malümatına köre, batalyonda Akim Osmanov da hocalıq işlerini becere edi, bundan soñ ukrain «Çaplinka» sıñır keçirüv noqtası yaqınlarında vatandaşlarnıñ baqılması ve teşkerilüvinde iştirak etken edi.

FSB-de qayd ettiler ki, Rusiye Cinaiy kodeksiniñ 208 maddesiniñ ilâvesine (qanunsız silâlı teşkilâtnı teşkil etüv ya da bunda iştirak etüv) binaen, Osmanovlar, «qanunsız silâlı teşkilâtta öz isteginen iştiragini toqtatqan» şahıslar olaraq, cinaiy mesüliyetten azat etildi.

Qırım.Aqiqat Qırım vatandaş qamaçavı aktsiyasınıñ lideri Lenur İslâmov ile bu mesele boyunca bağlanmağa tırışa, amma onıñ telefonı bağda degil.

XS
SM
MD
LG