Link açıqlığı

Saatnıñ esas haberi

Saudi Arabistan Qırımdan acılarnı rusiyeli pasportlarnen qabul ete – müfti


Saudi Arabistan, Mina vadiysi, 2015 senesi, sentâbr
Saudi Arabistan, Mina vadiysi, 2015 senesi, sentâbr

Saudi Arabistan resmiy seviyede Qırımnıñ Rusiye tarafından işğalini qabul etmey, amma yarımadadan acılıqqa ketken musulmanlar devletke rusiyeli pasportlarnen kele. Bu aqta Qırım.Aqiqat Radiosınıñ yayınında «Umma» Ukraina musulmanları diniy idaresiniñ müftisi Said İsmagilov bildirdi.

«Qırım sakinlerini soñki vaqıtları acılıqqa Saudi Arabistanğa tek Rusiye Federatsiyasından turistik şirketler yollay... Qıral, nazirler siyasiy seviyesinde Saudi Arabistan Qırım işğalini qabul etmey, onı rusiyeli olğanını tanımay. Amma mesele Hacnen bağlı olsa, Saudi Arabistan Qırımdan musulmanlarğa rusiyeli pasportlarnen acılıqqa kelmege problemsiz imkân bere. Bundan da ğayrı, Qırım diniy idaresiniñ temsilcileri er sene Saudi Arabistanğa Qırımdan acılar içün kvota imzalamaq içün bara», – dep ayttı İsmagilov.

Курбан-Байрам в Крыму
Bekleñiz, lütfen

No media source currently available

0:00 0:24:47 0:00

Bundan da ğayrı, müfti qayd etti ki, Rusiye turistik şirketleri işğal etilgen Qırım acılarına Mekkege acılıqqa barmaq içün «ihtimalsız kiçik» fiyatlar yaptı.

«Avropa ve Rusiyede iç bir yerde böyle fiyatlarnen barmaylar, bu fiyat mahsus eksiltildi, kimse, acı tölegen ve kerçek fiyat arasındaki farqnı töley. 2014 senesi aytılğan edi ki, bunı acılar içün yerli Qırım büceti tölegen edi», – dep qayd etti İsmagilov.

Sentâbr 12-15 künleri bütün dünya musulmanları Qurban bayramını qayd ete. Bu, acılıq bitkenini ifadelegen, bayram Oraza bayramından 70 kün keçken soñ, Hicri taqvimge köre Zilhicce ayınıñ 10-uncı kününde İbrahim peyğamberniñ oğlunı qurban etmege azır olğanına bir hatıra olaraq qayd etile.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG