Link açıqlığı

Saatnıñ esas haberi

Ukraina halqara arbitrajda Qırım ve Qara ve Azaq deñizleri resursları boyunca dava açacaq


Ukraina prezidenti Petro Poroşenko devlet Tışqı işler nazirligine Rusiye Federatsiyasına qarşı Birleşken Milletler Teşkilâtınıñ 1982 senesi deñiz aqqı boyunca añlaşmanen kefil olunğan, Rusiyeniñ silâlı basqıncılığı neticesinde bozulğan Ukraina uquqları ve menfaatlarını qorçalama boyunca arbitraj davasını açtırmağa avale etti.

Ukraina prezidenti qayd etti ki, dava Rusiye Federatsiyası halqara uquqnı bozğanı, Ukrainağa qarşı yapqan zorbalıq, Qırım işğali, Ukrainanıñ Qara ve Azaq deñizlerinde tabiat resurslarına aqlarını bozğanı munasebetinen açıla.

Ukrain devletiniñ yolbaşçısı qayd etti ki, bu dava, bu cümleden, «Ukrainadan energetik resurslarnı hırsızlavnen, yani Rusiye Ukrainanıñ deñiz alanında yermay, gaz hırsılağanınen, deñiz resurslarını hırsızlağanınen ve Qara deñiz ekologiyasına menfiy tesir ile, bu cümleden Keriç köprü qurulğan vaqıtta, territoriyalarnı bulaştıruvnen» bağlı.

Petro Poroşenko Rusiye Federatsiyasınıñ, Birleşken Milletler Teşkilâtınıñ deñiz aqqı boyunca añlaşmanı imzalağan taraf olaraq, bu davada iştirak etecegine ümüt besledi.

«Aqiqat ve qattı deliller Ukraina tarafındadır», – dedi Poroşenko ve bu davanıñ açılması, Ukraina deñiz alanınıñ tolusınen nezaret astına qaytarılmasına ve Rusiye Federatsiyası tarafından silâlı basqıncılıq neticesinde Ukraina körgen zararını ödevge yol berecek, dep ümüt beslegenini bildirdi.

«Bellesem, bu birinci, amma pek müim bir adım», – dep qayd etti Ukraina prezidenti ve bu vaziyetni nezaret astında tutacağını ayttı.

«Biz Ukrainanıñ qanuniy aqları ve menfaatlarını qorçalamaq içün küreşmege azırmız», – dep ayttı Poroşenko.

Ukraina prezidenti qayd etti ki, 2017 senesine Devlet bücetinde bu kibi vazifelerni ömürge keçirecek Tışqı işler nazirligine ziyade para ayırılacaq.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG