Link açıqlığı

Aq Rusiye parlamentine soñki 20 yıl içinde ilk sefer muhalif siyasetçi kirdi


Temsilciler palatasınıñ yañı saylanğan deputatları Yelena Anisim (sol taraftan) ve Anna Konopatska

Muhalif Anna Konopatska, sentâbr 11-de keçirilgen saylavlar neticelerine binaen, Aq Rusiye parlamentiniñ aşağı palatasında, Temsilciler palatasında yer aldı. Bu aqta Aq Rusiye Merkeziy saylav komissiyası bildire.

Birleşken vatandaş firqasınıñ azası olğan Anna Konopatska soñki 20 yıl içinde bu devletniñ parlamentinde ilk muhalif oldı. Bundan evel bütün mandatlar devlet prezidenti Aleksandr Lukaşenkoğa ait edi.

Bunen beraber, parlamentke mustaqil namzet Yelena Anisim de keçti, o, «Belorus tili cemiyeti» reisiniñ muavini ola.

Aq Rusiyede 1990 senelerinden başlap, serbest ve demokratik tanılğan iç saylavlar olmadı. Bu sene OSCE 400 temsilcisi saylavlarnıñ keçirilmesini nezaret astında tuttı. Parlament saylavlarında ealiniñ 74 fayızı iştirak etti.

Umumen olaraq, Aq Rusiye parlamentiniñ aşağı palatasındaki 110 yerge 521 namzet oldı, olardan 176 kişi kiçik siyasiy küçlerge bölüngen muhalifet temsilcisi oldı.

XS
SM
MD
LG