Link açıqlığı

Poroşenko Klimkinge Kremlge bunı bildirmege avale etti: Ukraina territoriyasında Devlet Dumasına saylavlarnıñ keçirilmesi mümkün degil


Petro Poroşenko

Ukraina prezidenti Petro Poroşenko tışqı işler naziri Pavel Klimkinge Moskvağa Ukraina territoriyasında rusiyeli saylavlarnıñ keçirilmesi mümkün olmağanı aqqında bildirmege avale etti.

Bu aqta sentâbr 10-da ukrain prezidentiniñ spikeri Svâtoslav Tsegolko bildirdi.

Sentabr 18-de, rusiyeli Devlet dumasına saylavlar keçirilecek künü, Rusiye Ukrainada Rusiye Kiyevdeki elçiliginde ve Odessa, Lvov ve Harkovdaki baş konsullıqlarında saylav bölüklerini açmağa planlaştırğan edi.

Ukrainada konsul esabatında sentâbr 18-de saylavlarda iştirak etmek aqqı bar olğan 81 biñden ziyade Rusiye vatandaşı bar.

Bunen beraber, Rusiye öz parlamentiniñ aşağı palatasına saylavlarnı işğal etilgen Qırımda da keçirmege niyetlene.

Qırımtatar Milliy Meclisi reisi Refat Çubarov işğal etilgen Qırım sakinlerini rusiyeli Devlet Dumasına qanunsız saylavlarnıñ keçirilmesi teşkil etilmesiniñ bütün basamaqlarını boykot etmege çağırdı.

Ukraina Yuqarı Radası ecnebiy devletler parlamentlerine ve halqara teşkilâtlarğa Rusiye Devlet Dumasına saylavlarnıñ Qırımda keçirilmesini nezaret etmekten vazgeçmege muracaat ete, bunen beraber, er angi şaraitte bunıñ neticeleriniñ tanımamağa çağıra. Ukraina parlamenti de bunıñ neticelerini tanımamağa çağıra.

Rusiye prezidenti Vladimir Putinniñ matbuat kâtibi Dmitriy Peskov sentâbr 8-de ilân etti ki, Rusiye ecnebiy devletler parlamentleriniñ Qırım territoriyasında keçirilecek saylavlarnı neticelerini tanımağa red ete bilecegine diqqat bermeycek.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG