Link açıqlığı

Kiyevde maarif leyhası inkişaf ete, onıñ maqsatlarından biri – qırımtatar adetlerini ve bilgilerini saqlamaq, bunen beraber, köçken balalarnı Qırımğa qaytuvğa azırlamaqtır. Bu yerde qırımtatar adetleri aqqında añlatalar, milliy oyun ve yırlarğa ögreteler, qırımtatar tilinden ders bereler. Bu aqta leyha teşebbüsçileri – «Krımska rodina» («Qırım vatanı») cemaat teşkilâtı – sentabr 8-de matbuat konferentsiyasında bildirdi.

«Ocalar bu işke pek mesüliyetli davrana, çünki tül ve medeniyetni saqlamaq – bu şaraitte pek müim bir vazifedir. Balalar Qırımğa qaytacaqta, olar ise o yerge qaytacaq, olar, tamırlarından qoparılğan olmamaq içün, em til, em medeniy adetlerni bilmek kerek olur. Merkezde qırımtatar balalarınen beraber diger milletlerge ait olğan balalar da oquy: ruslar, ukrainler – bu Qırımğa qaytacaq ve qırımtatar tilinde laf etecek balalardır», – dedi «Qırım vatanı» cemaat teşkilâtınıñ azası Anna Dremova.

Merkez talebeleri Ukraina medeniy merasimlerinde iştirak ete, oyun ve yırlarnen sanada buluna, böyle etip, Ukraina tamır halqınıñ medeniyetini populârlaştıra.

«Bizim içün bita-qartbabalarımız nümüne ola, olar sürgünlik şaraitinde til, medeniyetni saqlap oldı – bu qaraman nümünesidir», – dep qayd etti «Qırım vatanı» cemaat teşkilâtınıñ idare yolbaşçısı Anife Kurtseitova.

Dersler Kiyevdeki 165 sanlı mektepniñ sınıflarında berile, sentâbr 10-da balalar bayramdan yañı oquv yılını başlaycaq.

Ukraina İçtimaiy siyaset nazirligi, iyül 18-de olğan vaziyetke köre, Rusiye tarafından işğal etilgen Qırımdan ve Donbasstan 1 million 774 biñ 627 mecburen köçkenlerni belgiledi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG