Link açıqlığı

Çarşenbe künü, 2016 senesi sentâbr 7-de, qırımtatar halqınıñ taqdirinde facialı bir adise olıp keçti. Belki de, Ukraina ve Rusiyede onı körgen kişi çoq olmaz, eminim, Leşçenkonıñ alğan dairesi ve Moskvanıñ elli yedinci mektebinde yüz bergen seks qavğası qadar muzakere etilmeycek.

Bu kün Qırımda dört qırımtatarı – Qırım musulmanı – mahkeme etildi ve makhüm etildi. Adaletsiz ve sert bir şekilde mahküm etildi – olmağan cinayetler içün – 7 ve 5 yılğa qadar apis cezası berildi.

Yoq, tarih tekrarlağanda qolay ola degenleri yalan... Bazı vaqıtları, bugün olğanı kibi, o, yañı facia olaraq tekrarlana...

Tarihçı olaraq kederli bir şeyni aqlıma ketirdim... Tam 55 yıl evelsi aynı vaqıtta Taşkentte eki qırımtatar siyasiy mabusı Enver Seferov ve Şevket Abdurahmanov mahküm etilgen edi. Milletlerniñ musaviy uquqlığı, itibarları içün küreşkenlerinden olaraq «sovetlerniñ duşmanı» dediler.

Enver Seferov o vaqıt, bugün Ruslan Zeytullayev kibi, 7 yılğa, Şevket Abdurahmanov – bugün Nuri Primov, Ferat Sayfullayev ve Rustem Vaitov kibi, – 5 yılğa qadar azatlıqtan marum qalğan edi...

Soldan sağğa: Ruslan Zeytullayev, Rustem Vaitov, Nuri Primov, Ferat Sayfullayev
Soldan sağğa: Ruslan Zeytullayev, Rustem Vaitov, Nuri Primov, Ferat Sayfullayev

Yoq, tarih tekrarlağanda qolay ola degenleri yalan... Bazı vaqıtları, bugün olğanı kibi, o, yañı facia ile tekrarlana...

Gülnara Bekirova, Qırım tarihçısı, Ukrain PEN-klubınıñ azası

«Bloglar» rubrikasında bildirilgen fikir-tüşünceler müelliflerniñ noqtaiy-nazarını aydınlatıp, muarririyetniñ baqışları ile aynı olmaması mümkün

XS
SM
MD
LG