Link açıqlığı

Amerika Qoşma Ştatları Moskvanıñ Ukrainadaki vaziyetniñ kerginleşmesinde rolü içün sanktsiyalarğa oğratığan rusiyeli şirketler cedvelini kenişletmek qararını aldı. Bu aqta beyanat Federal Register ükümet neşriniñ saytında yerleştirildi. Qarar sentâbr 7-de işke tüşürilmek kerek.

Derc etilgen cedveldeki şirketlerniñ çoqusı AQŞ sanktsiyalarına sentâbr ayınıñ başında oğratıldı. Amma bu sanktsiyalar cedveline Qırım, Gonkong ve İndistanda qayd etilgen daa 11 uquqiy şahıs qoşuldı. Laf arbiy sanayı ihtiyacları içün qullanabilecek elektronika istisalcı şirketleri aqqında kete. Bu, «Angstrem», «Radioeksport», «Perm ilmiy-istisal aletler quruvı şirketi», «Granat» ilmiy-istisal birleşmesi, «Mikran», «Mikron» ve «Tehnopol» gruppasınıñ şirketleridir.

Sentâbr 1-de AQŞ Maliye nazirligi, Ukrainadaki davanen ve bundan evel kirsetilgen sanktsiyalarnıñ toqtatılmasınen bağlı faaliyet içün sanktsiyalarğa oğratığan yañı fizikiy ve uquqiy şahıslarnıñ cedvelini derc etti. Cedvelde 37 madde: 17 fizikiy şahıs ve 20 uquqiy şahıs.

Amerika Qoşma Ştatları Ukrainadaki vaziyetniñ kerginleşmesi ve Rusiyeniñ oña qarşı basqıncılığı munasebetinen, oña qarşı, hususan rusiyeli fizikiy ve uquqiy şahıslarğa qarşı, bunen beraber, Donbass ve Qırım separatistleri ve sabıq Ukraina yolbaşçılığı temsilcileri sırasından şahıslar ve müessiselerge qarşı bir sıra sanktsiya paketini kirsetti. Bu kibi tedbirlerni Avropa birligi, «Yedi gruppası» aza devletleri ve daa bazı devletler de kirsetti.

XS
SM
MD
LG