Link açıqlığı

Saatnıñ esas haberi

Cemilevniñ imayecisi FSB-ge qarşı iş boyunca Rusiye Yuqarı mahkemesiniñ qararını bekley


Mark Feygin
Mark Feygin

Rusiye Yuqarı mahkemesi, qırımtatar halqınıñ lideri Mustafa Cemilevniñ imayecisi rusiyeli başlanğıç mahkemesiniñ Cemilevge işğal etilgen Qırımğa kirişni yasaq etmek qararına qarşı bergen şikâyet arizasını baqmaq kerek. Qarar qabul etilgen soñ, İnsan aqları boyunca Avropa mahkemesine muracaat etmek mümkün olur. Bu aqta Cemilevniñ rusiyeli adliyecisi Mark Feygin, Qırım.Aqiqatqa izaat berip, bildirdi.

​«Moskva şeer mahkemesinde başlanğıç mahkemesiniñ qararına qarşı şikâyet arizası yazılğan edi. Endi (Rusiye Federatsiyasınıñ – QA) Yuqarı mahkemede Cemilevge ve maña, onıñ temsilcisine olaraq, oña Rusiye Federatsiyası territoriyasına kiriş yasaq olunğanınıñ lâğu etilmesi boyunca red etüvge qarşı şikâyet arizası baqılacaq. Yuqarı mahkemeniñ qararını beklemek kerek», – dep añlattı adliyeci.

Bundan evel Mark Feygin Rusiye Yuqarı mahkemesinden soñ İnsan aqları boyunca Avropa mahkemesine (İAAM) muracaat etmek planları aqqında bildirgen edi ve İAAM qırımtatarlarnıñ lideri Mustafa Cemilevniñ onıñ Qırımğa kirişi yasaq olunğanı boyunca FSB-ge qarşı şikâyetini qanaatlendireceginden emin olğanını ayttı.

Mayıs 20-de Moskva şeer mahkemesi qırımtatarlarnıñ lideriniñ onıñ Qırımğa kirişi yasaq olunğanı boyunca FSB-ge qarşı şikâyetini red etti. Mahkeme qararnıñ tek netice qısmını ayttı, amma toplaşuv qapalı şekilde keçirildi. Bu, davalı taraf bergen vesiqalarda sanki «devlet sırı» olğanınen bağlı edi.

Bu sene fevral ayında Ukraina prezidentiniñ qırımtatar halqı işlerinden vekâletlisiniñ matbuat hızmeti adliyeci Mark Feygin tarafından qırımtatarlarnıñ milliy lideri Mustafa Cemilevge Qırımğa kirişi qanunsız şekilde yasaq etilgeninden Rusiye Federal havfsızlıq hızmetine qarşı dava açtırğanını haber etken edi.

Bundan evel Cemilev onıñ Qırımğa kirişi yasaq olunğanı boyunca Rusiye Federal havfsızlıq hızmetine qarşı şikâyet arizasını bergen edi.

Rusiyeli mahsus hızmetler qırımtatar halqınıñ lideri Mustafa Cemilevge 2014 senesi Qırımğa kirmege yasaq etken vesiqanı berdi, o vaqıt yarımada endi işğal etilgen edi. Aynı böyle Qırımğa kiriş 5 yılğa yasaq olğanını bildirgen vesiqa Qırımtatar Milliy Meclisi reisi Refat Çubarovğa berildi.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.

XS
SM
MD
LG