Avgust 29-da, bazarertesi künü 80 Qırım sakini musulmanlar içün muqaddes yerlerge acılıqqa ketti. Bu aqta Qırım ve Sevastopol musulmanları diniy idaresiniñ matbuat hızmeti bildire.
Bildirilgen malümatqa binaen, bu, Qırımdan acılarnıñ soñki dörtünci gruppasıdır.
Müfti muavini Ayder İsmailov Qırım acılarına özğarma şözlerini ayttı.
«Acılarnıñ soñki qısmı Krasnodarğa yol aldı, o yerden Dubaige uçaqnen ketecek ve andan Mekkege baracaq. Er kesniñ yolu açıq olsun, Allah olarnıñ dualarını qabul etsin», – dep ayttı Ayder İsmailov.
Taqım Qırım ve Sevastopol musulmanları diniy idaresiniñ hadimleri tarafından refaqat etile.
Müessisede qayd ettiler ki, umumen olaraq, bu sene Qırımdan 370 adam acılıqqa ketti.
Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlandıra.
