Link açıqlığı

Uquq qoruyıcılar Qırımda yañı «diversantlar» yaqalanması aqqında malümatnı teşkere


Olga Skripnik

Ukrain uquq qoruyıcıları Rusiye tarafından işğal etilgen Qırımda yañı «diversantlar» yaqalanması aqqında malümatnı teşkere. Bu aqta avgust 15-te, bazarertesi künü Qırım.Aqiqatqa Qırım uquq qoruyıcı gruppasınıñ idarecisi Olga Skripnik bildirdi.

«Biz bu malümatnı teşkeremiz, amma konkret beyanatlar daa yoq», – dep bildirdi Skripnik.

Onıñ sözlerine köre, bugün uquq qoruyıcılar bundan evel yaqalanğan kişilerniñ adliyecileri barmı ögrenmege tırışa.

Bunen beraber, yañı «ukrain diversantları» aqqında malümatnı İnsan aqları boyunca Qırım kontakt gruppası da teşkere, bu aqta Qırım.Aqiqatqa onıñ idarecisi Abdureşit Cepparov bildirdi.

Avgust 15-te Rusiyede bildirdiler ki, işğal etilgen Qırımda sanki diversiya azırlavı boyunca daa eki kişi yaqalandı.

Qayd etilgenine köre, bu, yaqında Rusiye vatandaşlığını alğan yarımada sakinleri ola.

Qırım sakinleri yaqalanması boyunca Rusiye tarafınıñ resmiy malümatı yoq.

Avgust 10-da Rusiye Federal havfsızlıq hızmeti ilân etti ki, işğal etilgen Qırımda «yarımada infrastrukturası ve ayat teminlemesi pek müim obyektlerinde» teraktlarnıñ ögüni kördi, Ukraina Mudafaa nazirligi Baş istihbarat idaresini bunı azırlağanında qabaatladı, «diversiya» teşkilâtçılarından biri yaqalanğanı aqqında bildirdi.

Ukrain polkovnigi, Ukraina prezidenti memuriyetiniñ ATO meseleleri boyunca mesleatçısı Aleksandr Motuzânik avgust 11-de bildirdi ki, Ukraina Qırım ile memuriy sıñırda silâlı provokatsiyalarnı yapmadı, yarımadada iç bir istihbarat hadimi yaqalanmağan edi.

XS
SM
MD
LG