Link açıqlığı

Rusiyede yañı «ukrain diversantları» Qırımda yaqalanğanı aqqında bildirile


İllüstratsiya fotoresimi

İllüstratsiya fotoresimi

Rusiye tarafından işğal etilgen Qırımda sanki diversiya azırlavı boyunca daa eki kişi yaqalandı. Bu aqta «İnterfax» agentligi, rusiyeli uquq qoruyıcı organlarındaki menbağa esaslanıp, bildire. Qayd etilgenine köre, bu, yaqında Rusiye vatandaşlığını alğan yarımada sakinleri ola.

Qırım sakinleriniñ yaqalanması aqqında Rusiye tarafınıñ resmiy izaatı yoq.

Böyle etip, yaqalanğan «ukrain diversantlarınıñ» sayısı doquzğa qadar ziyadeleşti, olardan eki kişi (Yevgeniy Panov ve Andrey Zahtey) yaqalandı. Yaqın künde olarğa maddeler, bu cümleden terakt azırlavı ve terroristik faaliyetinde iştirak etüvnen bağlı maddeler boyunca qabaatlavlar taqdim etile bile.

«İnterfax» agentliginiñ malümatına binaen, daa tahminen on adam bu iş boyunca şaatlar olaraq keçe. Amma olarnıñ bazılarınıñ statusı şeklenilgen olğanlarğa keçe bile.

Avgust 10-da FSB bildirdi ki, avgust 7-ge keçer gecesi «ukrain diversantları» taqımı yaqalandı, olar sanki Qırımda terakt azırlay ekenler. Ukraina ükümeti qabaatlavnı red ete ve yüz bergen vaqianı rusiyeli mahsus hızmetlerniñ «provokatsiyası» dep adlandıra.

XS
SM
MD
LG