Link açıqlığı

Rusiye mahkemesi Qırım sakini Maksim Filatovnı «terakt ıntıluvı» içün 6 yılğa apiske qapattı


İyül 26-da Rostov-na-Donu şeerindeki Şimaliy-Qavqaz okrug arbiy mahkemesi Qırım sakini Maksim Filatovğa qarşı açılğan cinaiy işni baqıp, qarar çıqardı, onı Rusiyege boysunğan Qırım prokuraturası «Azov» ukrain batalyonınıñ askeri dep adlandıra.

«Prokuraturanıñ taqdim etken delillerine esaslanıp, o, Rusiye Federatsiyası Cinaiy kodeksiniñ 30-cı maddesi 3-ci qısmı – 205-ci maddesi 1-ci qısmında (terroristik eylem ıntıluvı), 223 m. 1 q. (patlatıcı aletni qanunsız azırlaması), 222 m. 1 q. (patlatıcı aletlerni qanunsız saqlavı, azırlavı), 167-ci maddesi 2 qısmında (yaqma vastasınen büyük zarar ketirmesinen başqasınıñ malını bozması) qayd etilgen cinayetlerni yapqanında qabaatlana», – dep aytıla Qırım prokuraturasınıñ beyanatında.

Müessisede bildirgenlerine köre, Filatov, 2014 senesi aprel ayında «milletlerara munasebetlerni kerginleştirmek maqsadınen, Aqmescitteki «Çuqurça» camisiniñ binasını yaqtı, bundan soñ, aynı bu sene avgust ayında, özü yapqan patlatıcı aletni qullanıp, cumhuriyet prokuraturası binası yanında terroristik eylemni etmege tırıştı».

Maksim Filatov, mahkeme qararına binaen, yaqalav müddeti devamında qattı nizam koloniyasında bulunacaq.

«Azov» Vatandaş korpusında işğal etilgen Qırımda yaqalanğan ve Rostov-na-Donu mahküm etilecek Maksim Filatov olarnıñ batalyonınıñ askeri olğanını tasdıqlamadılar.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG