Link açıqlığı

Saatnıñ esas haberi

Poroşenko: qırımtatar muhtariyeti Qırımnen bağlı bugünki vaziyetni imkânsız yapar edi


Ukraina prezidenti Petro Poroşenkonıñ ilân etkenine köre, bundan evel olğan ukrain ükümeti qırımtatarlarnıñ öz-özüni idare etüv aqqınıñ esasında milliy-territorial muhtariyet ğayesini ömürge keçirse edi, Qırımnen bağlı vaziyet «başqa olur edi». Bu aqta Petro Poroşenko «Krım.Sprotiv» («Qırım.Qarşılıq») vesiqalı-bediiy filminiñ premyerası boyunca muzakereler çerçivesinde ayttı. Bu aqta malümatnı Qırım.Aqiqat mühbiri bildire.

Petro Poroşenko
Petro Poroşenko

«Bu film, Qırımnıñ Ukraina nezaretine qaytarılması kerek olğanı aqqında hatırlatmaq içün imkân ola. Er keske: er vatandaştan başlap, prezidentke qadar. Film, Rusiye işğal, arbiy anşlüz etkenini hatırlata. Qırım işğal vaqtında daa bahtlı oldımı, aceba? Dünyada kimse bundan daa bahtlı oldımı, aceba? – Yoq», – dep qayd etti Ukraina prezidenti.

Poroşenko qırımtatar muhtariyetiniñ tasdıqlanması içün qanuniy deñişmeler boyunca teşebbüs bildirmege söz berdi. «Bu, bizim qırımtatarlarğa borcumızdır. Ukraina ükümeti bunı daa 20 yıl evel yapmaq kerek edi. O vaqıt vaziyet başqa olur edi», – dep ayttı o.

Ukrain yırcısı, Qırımlı Jamala filmniñ taqdiminden soñ ayytı ki, «bu doğrudan şaştı». «Eurovision-2016» ğalibiniñ qayd etkenine köre, «Qırım menim içün, er kes içün ukrain edi ve olacaq».

Jamala
Jamala

İyül 12-de Kiyevde «Krım.Sprotiv» («Qırım.Qarşılıq») vesiqalı-bediiy filminiñ premyerası keçirildi. Premyeranı Ukraina prezidenti Petro Poroşenko, qırımtatarlarnıñ liderleri, cemaat erbapları, ATO askerleri ziyaret ettiler.

Vesiqalı-bediiy film ukrain subtitrleri ile ingliz tilinde yapılğan ve 2014 senesi fevral ayında Qırım Muhtar Cumhuriyetiniñ rusiyeli askerler tarafından işğal etilgeni aqqında añlata.

Ukraina Nazirler kabineti prezident fermanı leyhasını alğışladı ve fevral 26 künü Qırım sakinleriniñ Rusiye basqıncılığına qarşılığı künü olaraq tasdıqladı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG