Link açıqlığı

Turist mevsimi arfesinde işğal olğan yarımadanıñ memuriyet reisi Sergey Aksenov apansızdan ukrainler ögünde tiz çökip, olardan nezaketli bir şekilde raatlıq içün Qırımğa kelmelerini rica etti. Bundan ğayrı, öz memurlarğa parmaqnı salladı ve küneşli yalıda Ukraina sakinleri içün güzel şaraitlerni yaratmağa talap etti.

İşğalci akimiyetniñ memur efendileri sizge ne oldı?

Qırım ükümetiniñ sabıq baş naziri Ruslan Balbek de başını egdi: «Biz er vaqıt açıqmız ve Ukraina turistlerini bekleymiz. Olar keçken yıllar kibi raatlıq içün Qırımğa keleceklerini ümüt etemiz».

İşğalci akimiyetniñ memur efendileri sizge ne oldı? Daa bir-eki ay evelsi sizden sögünçten ğayrı, başqa bir şey eşitmek mümkün degil edi. Vokzallarda ukrainlerni nagayka ile kazaklar qarşılağan ediler, Aksenov ise genç budenovets kibi beyaz atta atlağan edi ve qılıçnı sağğa-solğa sallağan edi. Onıñ taqımı oturğan yerini boza edi ve yarımadanıñ etrafında işançsız ve duşmanlıq demir divarını qura edi. Apansızdan... lâtife kibi ve tekrar selâm!

Yoq, Kreml vassaları küneşte qızınmadılar. Olar rus kütleviy haber vastalarını diqqatnen oquy ve bütün olğanlarnı bilip muqayt olıp bekleyler. Amma işler Qırım tarafına baqmay.

Moskvadaki «Levada-Tsentr» içtimaiy şirketiniñ malümatına köre, 2016 senesi rusiyelilerniñ yalıñız 4% Qırımğa raatlanmağa kelecek, bu raqam 1%-ğa eksildi. Rusiyelilerniñ 59% uzaq kelecekte bile Qırımğa kelmeycek, daa 74% ise anda iç barmadı.

Ne oldı ki? Keçken sene bütün Rusiye Qırımğa baracaq edi, şimdi ise böyle nasipsizlik oldı.

«Levada-Tsentr» içtimaiyatçısı Stepan Gonçarov rusiyelilerniñ keskin keyfi deñişmesini «qoşulma çevresinde sıcaqlılıqnen» añlattı. Adiy tilde, işğalniñ birinci künlerinde er kes quvana ve akimiyet istegenini aytqan edi.

İlk zamanlarda er kes kerçekten Qırımğa barmaq niyetlengen edi. Amma zaman keçti, coşqunlıq yavaşladı ve rusiyeliler añladı: Qırım teşigi bütün Rusiyeni yutup, fuqare yapa bile. Qırımnı halqara sanktsiyalardan soñ deşetli bir yerden kibi çetleştireler, nege anda barsınlar ki?

Em de rusiyelilerniñ para kiseleri pek zayıfladı.Qırımğa kelecek insan miqdarınıñ eksiltmesi iqtisadiy buhran ve kâr qısqartması ile bağlı, dep bildire «Levada-Tsentr.

Qırımğa kelecek insan miqdarınıñ eksiltmesi iqtisadiy buhran ve kâr qısqartması ile bağlı, dep bildire «Levada-Tsentr»​

​ İsaiyat ise böyle: soraştırılğan rusiyelilerden 26% tatilge iç ketmeycek, 20% onı evde keçirecek, 21% ise yazlıq evinde.

«Levada-Tsentr» bütün Rusiye soravını tatil zamanında keçirdi. Memleketniñ 48 regionında 1600 insannıñ fikrini ögrenildi. Tedqiqniñ çetke çıqması 3,4% aşmay.

Bunıñ içün işğal olğan akimiyetniñ safsatası öyle deñişti. Em de Sergey Aksenovnı ukrainler ögünde tiz çökmek içün başqa sebepleri de bar edi. Birinciden, Aqrusiye demir yolu Qırımğa yolcu taşımalarını yekünledi, ekinciden, Qazahistan akimiyeti öz vatandaşlarına işğal olğan yarımadağa yolculıqtan vazgeçmege tevsiye etti.

Qırım akimiyeti yönelişini Ukraina tarafına ne içün deñiştirmek istey sualleri daa barmı? Amma siyasetleşken ve silâlaşqan işğal etilgen yarımadada raatlanmağa kimler ister?

Andrey Karpov, qırımlı

«Bloglar» rubrikasında bildirilgen fikir-tüşünceler müelliflerge ait olıp, muarririyetniñ baqışlarınen aynı olmaması mümkün

XS
SM
MD
LG