Link açıqlığı

Ukrainanıñ 12 aliy oquv yurtu Qırım sakinlerini, Tışqı mustaqil bilgige qıymet kesüvden keçmeden, qabul etmege azır


İyül 1-den başlap Ukrainanıñ yedi şeerinde «Qırım–Ukraina» tasil merkezleri çalışıp başlaycaq, bu yerde Qırım abituriyentler, VNO-dan (Tışqı mustaqil bilgige qıymet kesüvden) keçmeyip, ukrain tasilini ala bilecek.

Bu malümat Ukraina Tasil nazirliginiñ saytında peyda oldı.

Böyle etip, Qırım sakinlerini nevbetteki aliy oquv yurtları qabul ete bile: Pridneprovye qurucılıq ve mimarcılıq devlet akademiyası, Petro Mogila adına Qara deñiz devlet universiteti, Petro Vasilenko adına Harkov milliy tehnikiy köy hocalığı universiteti, «Lvov politehnikası» Milliy universiteti, «Bank işi universiteti» Devlet aliy oquv yurtu Lvov tasil-ilmiy insitutı, Herson devlet universiteti, Herson milliy tehnikiy universiteti, Herson devlet deñiz akademiyası, Vernadskiy adına Tavriya milliy universiteti (Kiyev), Vadim Getman adına Kiyev milliy iqtisadiyat universiteti, Dnepropetrovsk devlet agrar-iqtisadiy universiteti.

Nazirlikte añlatqanlarına köre, ukrain aliy oquv yurtunıñ talebesi olmaq içün Qırım abituriyenti tasil deklaratsiyasını toldurmaq, Ukraina tarihı ve ukrain tili boyunca imtian bermek, ve aliy oquv yurtuna kiriş imtianını bermek kerek.

Bundan soñ, üç ay içinde, orta tasil aqqında ukrain şeadetnamesini almaq ve aliy oquv yurtunda tasil almağa devam etmek içün, umumtasil seviyedeki fenler boyunca attestatsiyadan keçmek kerek.

Birinci imtiannı abituriyentler endi iyül 12-de berip olacaq.

Qırım sakinlerine qıtaiy Ukrainada aliy oquv yurtuna kirmek içün ukrain pasportı ya da identifikatsiya kodu kerek olmaz, dep haber etile abituriyentlerge. Bundan da ğayrı, Qırım sakinleri içün bücet yerleri ayırılacaq.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG