Link açıqlığı

Kareliyada 14 bala elâk olğan soñ lager qapatıldı – Rusiye Fevqulade vaziyetler nazirligi


Kareliyadaki lagerniñ qurtarılğan balalar

Kareliyada Sâmozero gölüne ziyaretke barğan 14 bala elâk olğan lager qapatıldı. Bu aqta iyün 20-de Rusiye Fevqulade vaziyetler nazirliginiñ reisi Vladimir Puçkov toplaşuvda ilân etti, dep bildire rusiyeli müessiseniñ matbuat hızmeti.

«Lager qapatıla. Balalarnı ana-babalarına qaytarmaq içün faaliyet alıp baramız», – dedi Vladimir Puçkov.

Puçkov Kareliyadaki Sâmozero gölünde 14-ci balanı tapmaq içün qıdıruv işlerini alıp barğan taqımnı quvetleştirmege avale etti.

Keçken afta soñu «Park-otel Sâmozero» tedaviylendirici lageriniñ 47 balası ve dört büyük kişi eki qayıq ve raftanen kezip furtunağa oğradı. Qayıqlar avdarıldı. Balalar yalığa yaldamağa tırıştı, amma büyük dalğalar ve suvnıñ suvuq olğanından er kes becermedi. Qurtarıcı ameliyat tek, bir qurtarılıp olğan qız haber etken soñ, 20 saattan soñ başlandı.

Kareliya ve Moskvada iyün 20 matem künü olaraq ilân etildi. 12-13 yaşındaki balanıñ cesedi endi tapıldı, daa bir bala qıdırıla.

Balalarnıñ ölümi boyunca beş adam yaqalandı: lager müdiri, onıñ muavini, eki talimatçı ve yetekçi. Rusiye taqiqat komiteti bu vaqia boyunca cinaiy iş açtı.

Ukraina Yuqarı Radası Rusiyeniñ vaqtınca Qırım işğaliniñ resmiy başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG