Link açıqlığı

Saatnıñ esas haberi

QMDİ Qırımda bütün islâm neşirlerini uyğunlaştırmağa istey


Qırım ve Sevastopol musulmanları diniy idaresi (QMDİ) yarımadada derc etilgen bütün islâm neşirleri QMDİ tarafından uyğunlaştırılmaq kerek, dep teşebbüsini bildirdi.

Bu aqta iyün 2-de Aqmescitte keçirilgen Hac-missiya toplaşuvında Qırım müftisi hacı Emirali Ablayev ayttı, dep bildire QMDİ matbuat hızmeti.

«Muvaziy strukturalarnıñ çeşit neşirlerni derc etmesi mümkün degil. Çoq vaqıt devamında bunen oğraşa edik, yaramay neticelerge yol bermemek içün cumhuriyet ealisi arasında neşirlerniñ tarqatılmasını uyğunlaştırmaq aqqını QMDİ-ge belgilemege rica etemiz», – dep ayttı Qırım müftisi.

Bundan da ğayrı, iyün 2-de Qırım ve Sevastopol musulmanları diniy idaresi (QMDİ) yarımadada «hac seferini teşkil etmek içün onıñ yekâne aqqı» olğanını ilân etti.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG