Link açıqlığı

Saatnıñ esas haberi

FSB-de Meclis reisiniñ muavini Umerovğa taqiqat malümatını faş etmemesi aqqında imza qoydurdılar


İlmi Umerovğa taqiqat malümatını faş etmemesi aqqında imza qoydurdılar (video)
Bekleñiz, lütfen

No media source currently available

0:00 0:00:35 0:00

İlmi Umerovğa taqiqat malümatını faş etmemesi aqqında imza qoydurdılar (video)

Qırımda mayıs 26-da rusiyeli Federal havfsızlıq hızmetiniñ idaresinde Qırımtatar Milliy Meclisiniñ reis muavini İlmi Umerov sorğuğa çekildi. Bundan soñ onı taqiqat malümatını faş etmemesi aqqında imza qoymağa mecbur ettiler.

«Bugün taqiqat işleri men konkret televizyon yayınında iştirak etkenim boyunca fotoportret identifikatsiyasınen bağlı edi. Bundan da ğayrı, men taqiqat malümatını faş etmemesi aqqında imza qoydım. Bunıñ içün mahkemeden evel menim cinaiy işim boyunca malümatnı biraz azca berecekmiz», – dedi Umerov Aqmescitteki FSB binasından çıqıp.

Meclis reisiniñ birinci muavini Nariman Celâlnıñ malümatına binaen, sorğuğa Umerovnıñ yaqın soyları da davet etildi.

Mayıs 19-da Qırımtatar Milliy Meclisiniñ reis muavini İlmi Umerovğa rusiyeli Federal havfsızlıq hızmetiniñ Qırım idaresinde sorğudan soñ qabaatlavnı taqdim ettiler.

Bundan evel, mayıs 12-de onıñ evinde tintüv keçirildi, Rusiye FSB-niñ Qırım idaresiniñ taqiqatçısı oña çıqmamaq şartını bildirgen vesiqanı berdi.

Kremlge boysunğan Qırım prokuraturası Umerovğa qarşı «separatizm» içün cinaiy iş açqanını resmiy şekilde ilân etti.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG