Link açıqlığı

Bağçasarayda qırımtatar sürgünliginiñ qurbanlarını politsiya nezareti altında añdılar – kütleviy haber vastaları


Halq faciasınıñ qurbanlarını añmaq içün Bağçasarayda 1944 senesi olğan sürgünlikke bağışlanğan hatıra tahtasınıñ yanında bir qaç yüz qırımtatarı toplandı. Toplaşqanlarnı politsiya nezaret etti. Bir qaç insan er şeyni kamerağa çıqardı, dep bildire Avdet.

Neşirniñ malümatına köre, uylede dua oquldı, sükünet daqqası keçti, soñra bütün aydavcılar bir qaç daqqa içinde birdemlikni işaretlemek içün ses berdiler.

«Tedbir isteksiz oldı. İnsanlar çoq yıllıq urf-adetke köre toplandılar. Yerli halq ayttı, qorantalarnıñ bazı azaları çeçeklerni hatıra tahtasına sabadan qoydılar, bazıları ise bunı aqşam yapmaq istey. Bazı aydavcılar Jamalanıñ «1944» yırını tam davuşnıñ yüksekligine qoydılar», – dep yaza neşir.

18 mayıs – Qırımdan qırımtatar halqınıñ sürgünlik qurbanlarını añma künüdir. 1944 senesi yarımadan Orta Asiyağa qırımtatarlarnıñ birinci eşelonı yollandı. Cemi olaraq tahminen 180 biñ insan sürgün etildi.

Ukrainada qırımtatar sürgünligi genotsid olaraq tanıldı. Memlekette bunıñnen bağlı matem tedbirleri keçirilmekte. Sürgünlik qurbanlarını çetelde de añalar.

Er yıl Qırımda sürgünlik kününe bağışlanğan kütleviy tedbirler keçirile edi, şu cümleden matem mitingi. Amma 2014 senesi mart ayında Rusiye yarımadanı işğal etken soñ böyle bir tedbirlerniñ Aqmescit merkezinde keçirilmesi yasaq etildi. Qırımtatar Milliy Meclisi bildirdi ki, Qırımdaki regional meclisler Rusiye kontroli altında bulunğan akimiyet mayıs 18 qırımtatar sürgünligi yıllığında matem tedbirleriniñ keçirilmesine izin alamaylar.

Bundan sebep Meclis yarımadadaki semetdeşlerine hatıra yerlerinde sürgünlik qurbanlarını dua ile añmağa tevsiye ete.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG