Link açıqlığı

Saatnıñ esas haberi

Kyivde sürgünlik qurbanlarını añma kününe bağışlanğan foto sergisi açıldı


Qırımtatar sürgünligi iştirakçileriniñ ikâyelerini fotoresim sergisine topladılar (video)
Bekleñiz, lütfen

No media source currently available

0:00 0:01:17 0:00

Kyivde Krizis media merkezinde mayıs 17-de sürgünlik qurbanlarını añma kününe bağışlanğan foto sergisini açtılar. Aktsiya teşkilâtçıları cemaat faali Tamila Taşeva ve Ukraina rejissöri Ahtem Seytablayev ola.

Fotoresim sergisine 1944 senesi facialı vaqianıñ on iştirakçisiniñ adiseleri kirdi. Er fotoresimniñ altında keten zarf asılı tura, onıñ içinde kartlarda qaramanlarnıñ adiseleri yazılğan.

Teşkilâtçılarnıñ aytqanına köre, aktsiyanıñ esas fikri bu ikâyeni añlatacaq kişige yollamaq imkânını bermektir.

«Leyha ğayesi 2015 senesi aprel ayında peyda oldı, sürgünlikni başından keçirgen insanlarnıñ adiselerini aytmaq pek isteyim, dedi tatam – Zeynep Taşeva. Bu leyhanıñ şartlı adı - «Qartlar», - dedi «KrımSOS» teşkilatınıñ qurucısı Tamila Taşeva.

Qırımtatar Ukraina rejissöri Ahtem Seytablayevniñ aytqanına köre, bu leyha «qırımtatarlar ve ukrainalılar arasında büyük bir haber boşluğını toldurmaq içün» daa bir adım olacaq.

18 mayıs – Qırımdan qırımtatar halqınıñ sürgünlik qurbanlarını añma künüdir. 1944 senesi yarımadan Orta Asiyağa qırımtatarlarnıñ birinci eşelonı yollandı. Cemi olaraq tahminen 180 biñ insan sürgün etildi.

Er yıl Qırımda sürgün kününe bağışlanğan kutleviy tedbirler keçirile edi, şu cümleden matem mitingi. Amma 2014 senesi mart ayında Rusiye yarımadanı işğal etken soñ böyle bir tedbirlerniñ Aqmescit merkezinde keçirilüvi yasaq etildi.

Kyıv ve bütün Ukrainada bir sıra tedbirler keçirilecek: kütleviy mingler, mekteplerde qırımtatar halqınıñ sürgünligine bağışlanğan dersler.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG