Link açıqlığı

Saatnıñ esas haberi

Qırımtatar Yaşlıq Qurultayınıñ 8-inci toplaşuvı mayıs 13-15 künleri Ankarada keçirilecek. Merasimge Qırım, Ukraina, Bulğaristan, Romaniya, Aqrusiye, Poloniya, Litvaniya, Almaniya, Felemenk, İsveçiya ve, elbet, Türkiyeden delegatlar qoşulacaq. Umumen Qurultayda 150-den ziyade insan iştirak etecek, dep bildire QHA.

«Biz, gençler olaraq, qırımtatar milliy areketiniñ eñ çoq ihtiyacı olğan dinamikanı temin etmelimiz ve halqara seviyede ve diasporalarımız arasında bu areketni yaymalımız. Belki, ilk basamaqlarda büyük leyhalarnı muzakere etmemiz mümkün olmaycaq. Lâkin, bu kibi gençler platformasını teşkil etip olsaq, yaqın kelecekte yapılğan bu işlerniñ meyvalarını toplaycağımızdan eminim», – dep bildirdi QHA Türkiyede Qırımtatar yardımlaşma ve medeniyet dernegi Merkeziy ofisiniñ gençler bölüginiñ reisi Fethi Kurtiy Şahinniñ sözlerini.

Onıñ aytqanına köre, qapalı ve açıq toplaşuvlarnı internette canlı şekilde seyir etmek mümkün olacaqtır.

Bu künleri New York şeerinde Birleşken Milletler Teşkilâtınıñ Tamır halqları meseleleri boyunca daimiy forumınıñ 15-inci sessiyası keçirile. BMT Tamır halqları meseleleri boyunca daimiy forumı 2000 senesi iyül 28-de qabul etilgen İqtisadiy ve İçtimaiy Şurasınıñ 2000/22 rezolütsiyasına esaslanıp teşkil etildi.

Ukraina Yuqarı Radası Rusiyeniñ vaqtınca Qırım işğaliniñ başlanğıçı olaraq 2014 senesi fevral 20 kününi ilân etti. 2015 senesi oktâbr 7-de Ukraina prezidenti Petro Poroşenko bunıñnen bağlı qanunnı imzaladı. Ğarp memleketleri bir sıra iqtisadiy sanktsiyalarnı kirsetti. Rusiye yarımada işğalini inkâr etip, onı «tarihiy adaletniñ tiklenmesi» dep adlay.

XS
SM
MD
LG