Mustafa Cemilev Qırımda artqan basqılar aqqında (video)

Herson vilâyetindeki işğal etilgen Qırım ile memuriy sıñırda qırımtatar batalyonı şekillene. Bunı aprel 6-da Kyivdeki matbuat konferentsiyasında qırımtatar halqınıñ milliy lideri Mustafa Cemilev bildirdi. Onıñ aytqanına köre, böylece vilâyette «Ukrainanıñ bulunması qaviyleşecek». «Al-azırda Herson ve Qırımnıñ sıñırında silâlı bir batalyon şekillendiremiz. Bu batalyonnıñ esas vazifesi, tabiiy ki, silâlı qarşılıq olmaycaq... Olar (batalyon askerleri – QA) birinciden, sıñırnı imaye etecekler, Herson regionında Ukrainanıñ bulunmasını qaviyleştirecekler», – dep ayttı Mustafa Cemilev.